ମୁମ୍ବାଇ: ଆର୍ଯ୍ୟନ ଖାନ୍ଙ୍କୁ ମିଳିଲାନି ମୁକ୍ତି, ଆଜି ମାମଲାର ଅନ୍ତରୀଣ ଜାମିନର ଶୁଣାଣି ହେବ। ଡ୍ରଗ୍ସ କାରବାର ମାମଲାରେ ଏନସିବି ଦ୍ୱାରା ଗିରଫ ହୋଇଥିବା କିଙ୍ଗଖାନଙ୍କ ପୁଅ ଆର୍ଯ୍ୟନ ଖାନଙ୍କ ଜାମିନ୍ ଆବେଦନକୁ ଗତକାଲି ମୁମ୍ବାଇର କିଲ୍ଲା କୋର୍ଟ ଖାରଜ କରିଥିଲେ। ଆଜି ଦିନ ୧୧ଟାରେ ଜାମିନ ଆବେଦନର ଶୁଣାଣି ହେବ। ଆର୍ଯ୍ୟନଙ୍କ ଓକିଲଙ୍କ ଦ୍ୱାରା କୋର୍ଟରେ ଜାମିନ ନେଇ ଆବେଦନ ହୋଇଥିଲା ।
ଅନ୍ୟପଟେ କୋର୍ଟ ଆର୍ଯ୍ୟନଙ୍କ ସହ ଅନ୍ୟ ୭ ଜଣଙ୍କୁ ମଧ୍ୟ ନ୍ୟାୟିକ ହେପାଜତକୁ ପଠାଇଛନ୍ତି । ମୁମ୍ବାଇର ଏକ ଜାହାଜରେ କ୍ରୁଜ୍ ପାର୍ଟି ଚାଲିଥିବାବେଳେ ଏ ସମସ୍ତେ ଏନସିବି ଦ୍ୱାରା ଗିରଫ ହୋଇଥିଲେ। ଗିରଫ କରିବା ପରେ ଏନସିବି ରିମାଣ୍ଡରେ ଆଣି ପଚରା ଉଚରା ଜାରି ରଖିଛି। ଆର୍ଯ୍ୟନଙ୍କ ବନ୍ଧୁଙ୍କ ନିକଟରୁ ବିପୁଣ ପରିମାଣର ଡ୍ରଗ୍ସ ଏବଂ ଅନ୍ୟ ମାଦକ ଦ୍ରବ୍ୟ ଜବତ କରିଥିଲା ଏନସିବି । ତେବେ ଏଥିରେ ଆର୍ଯ୍ୟନଙ୍କ ପ୍ରତ୍ୟକ୍ଷ ସମ୍ପୃକ୍ତି ରହିଥିବାବେଳେ ଖୋଦ ଆର୍ଯ୍ୟନ ହିଁ ସେଥିରେ ସଂଶ୍ଲିଷ୍ଟ ରହିଥିବା ଏନସିବି କହିଛି।
