ବାଲେଶ୍ୱର ଜିଲ୍ଲା ସୋରରେ ଚାଞ୍ଚଲ୍ୟ; ଦମ୍ପତିଙ୍କୁ ଗଳାକାଟି ହତ୍ୟା

ବାଲେଶ୍ୱର: ବାଲେଶ୍ବର ଜିଲ୍ଲା ସୋରରେ ଚାଞ୍ଚଲ୍ୟ । ଦମ୍ପତିଙ୍କୁ ଗଳାକାଟି ହତ୍ୟା । ସବିରା ପଞ୍ଚାୟତ ବାଲିପଡିଆ ସାହିରୁ ରକ୍ତ ଜୁଡୁବୁଡ଼ୁ ମୃତଦେହ ଉଦ୍ଧାର ହୋଇଛି । ମୃତକ ହେଲେ ବୁଦ୍ଧିରାମ ବେହେରା ଓ ପତ୍ନୀ ପ୍ରଭାତୀ । ହତ୍ୟାର କାରଣ ଅସ୍ପଷ୍ଟ ରହିଥିବାବେଳେ ଘଟଣାସ୍ଥଳରେ ପୋଲିସ ଛାନବିନ କରୁଛି । ରାତି ୯ଟା ବେଳେ ଏହି ଅଘଟଣ ଘଟିଥିବା ସୂଚନା ମିଳିଛି । ମୃତକଙ୍କ ଘର ମହାନ୍ତି ସାହିରେ ହୋଇଥିବାବେଳେ ବାଲିପଡିଆ ସାହିରେ କୁକୁଡ଼ା ଫାର୍ମ କରିଥିଲେ ବୁଦ୍ଧିରାମ । ଫାର୍ମ ଭିତରୁ ହଠାତ ଚିତ୍କାର ଗାଁ ଲୋକ ଆସିବାବେଳେ ସ୍ବାମୀସ୍ତ୍ରୀଙ୍କର ରକ୍ତ ଜୁଡୁବୁଡୁ ମୃତଦେହ ଦେଖିଥିଲେ । କେହି ଦୁର୍ବୃତ୍ତ ଉଭୟଙ୍କ ଗଳାକାଟି ହତ୍ୟା କରିବା ପରେ ଘଟଣା ସ୍ଥଳରୁ ଫେରାର ହୋଇଯାଇଛି । ଫାର୍ମ ବାହାରେ ମୃତଦେହ ପଡିଥିବାବେଳେ ନିକଟରେ ରଘୁନାଥଙ୍କର ସ୍କୁଟି ରହିଥିଲା l ପୋଲିସ ପହଞ୍ଚି ଘଟଣାର ତଦନ୍ତ ଜାରି ରଖିଛି ।