ନବରଙ୍ଗପୁର : ବୋଲବମ ଯାତ୍ରା ହେଲା ଶେଷ ଯାତ୍ରା। ବୋଲବମରୁ ଫେରିବା ବାଟରେ ବାଇକ ସହ ଟ୍ରକର ମୁହାଁମୁହିଁ ଧକ୍କା ହୋଇ ଚାଲିଗଲା ଜୀବନ। ବାପା, ମାଆଙ୍କ ମୃତ୍ଯୁ ହୋଇଥିବାବେଳେ ଅଳ୍ପକେ ବର୍ତ୍ତିଲା ନାବାଳକ ପୁଅ। ନବରଙ୍ଗପୁର ଉମରକୋଟ କୁନ୍ଦେଇ ରାବଣାଗୁଡାରେ ଘଟିଛି ଏ ମର୍ମନ୍ତୁଦ ସଡକ ଦୁର୍ଘଟଣା। ମୃତକ ହେଲେ ଅଜିତ ମଜୁମଦାର ଓ ଦୀପିକା ମଜୁମଦାର । ଛତିଶଗଡରେ ରହିଥିବା ସିହାବା ଶୈବପୀଠରେ ପାଣି ଢାଳି ଘରକୁ ଫେରିବା ସମୟରେ ବାଇକକୁ ଧକ୍କା ଦେଇଥିଲା ଟ୍ରକ। ଦୁର୍ଘଟଣାକୁ ନେଇ ଘଟଣାସ୍ଥଳରେ ଚାପା ଉତ୍ତେଜନା ସୃଷ୍ଟି ହୋଇଥିଲା। ଖବର ପାଇ ଘଟଣାସ୍ଥଳରେ ପୋଲିସ ପହଞ୍ଚି ମୃତଦେହକୁ ଜବତ କରିବା ସହ ଉତ୍ତେଜିତ ଲୋକଙ୍କୁ ବୁଝା ସୁଝା କରିଛି।
