ଭିତରକନିକାରେ ଡଲଫିନ୍ ଗଣନା ଆରମ୍ଭ

ପଟ୍ଟାମୁଣ୍ଡାଇ: ରବିବାର ସକାଳ ୭ଟାରୁ ଭିତରକନିକା ଜାତୀୟ ଉଦ୍ୟାନରେ ଡଲଫିନ ଗଣନା ଆରମ୍ଭ ହୋଇଛି । ସକାଳ ୭ଟାରୁ ଆରମ୍ଭ ହୋଇଥିବା ଡଲଫିନ ଗଣନା ଦିନ ୧୨ଟା ଯାଏ ଚାଲିବ । ଡଲଫିନ ବିଶାରଦ ମୁନ୍ତାଜ ଖାନଙ୍କ ନେତୃତ୍ୱରେ ବନବିଭାଗର ୯ଟି ଟିମ୍ ଗଣନା କାର୍ଯ୍ୟରେ ସାମିଲ୍ ଅଛନ୍ତି ।

ପ୍ରତି ଟିମରେ 5 ଜଣ ଲେଖାଏଁ ସଦସ୍ୟ ରହିଛନ୍ତି । ଦେବୀ ମୁହାଣରୁ ଧାମରା ମୁହାଣ ପର୍ଯ୍ୟନ୍ତ ଗଣନା କାର୍ଯ୍ୟ କରାଯିବ ବୋଲି ବନ ବିଭାଗ ସୂଚନା ଦେଇଛି । ଭିତନକନିକାରେ ୫ ପ୍ରକାର ଡଲଫିନ୍ ଦେଖିବାକୁ ମିଳନ୍ତି । ପୂର୍ବରୁ କେବଳ ଚିଲିକାରେ ଡଲଫିନ୍ ଗଣନା କରାଯାଉଥିଲା ଏବେ ଭିତରକନିକାରେ କରାଯାଉଛି ।

୨୦୧୫ ମସିହାରେ ରାଜ୍ୟ ରାଜ୍ୟ ସରକାରଙ୍କ ଜଙ୍ଗଲ ଓ ପରିବେଶ ବିଭାଗ ନିଷ୍ପତ୍ତି କ୍ରମେ ଭିତରକନିକା, ପୁରୀ, ବ୍ରହ୍ମପୁର, ଭଦ୍ରକ, ବାଲେଶ୍ୱର ଓ ବାରିପଦାରେ ଡଲଫିନ୍ ଗଣନା କରାଯାଉଛି । ୨୦୧୫ ମସିହାରେ ଭିତରକନିକାରେ ୫ ପ୍ରଜାତିର ୨୭୦ଟି ଡଲଫିନ୍ ଦେଖିବାକୁ ମିଳିଥିଲା ।