ବରଗଡ଼ରେ ବଢ଼ିଚାଲିଛି ନକଲି କୀଟନାଶକ ଔଷଧ କାରବାର, ଜିଲ୍ଲାପାଳଙ୍କୁ ଦାବିପତ୍ର ଦେଲେ ଚାଷୀ

ବରଗଡ଼: ବରଗଡ଼ ଜିଲ୍ଲାରେ ବଢ଼ିଚାଲିଛି ନକଲି କୀଟନାଶକ ଔଷଧ କାରବାର। ଯେଉଁଥିପାଇଁ ଲୋକେ ଅସଲି ମୂଲ୍ୟ ଦେଇ କିଣୁଛନ୍ତି ନକଲି ଔଷଧ । ତେବେ ଚାଷୀ ମାନେ ସେହି ନକଲି ଔଷଧ ଫସଲରେ ପକାଇବା ଦ୍ୱାରା ଚାଷ ନଷ୍ଟ ହେଉଛି । ଏଥିପାଇଁ ନକଲି କୀଟନାଶକ ବିକ୍ରି ବନ୍ଦ ଦାବିରେ ଚାଷୀ ଓ କମ୍ପାନୀ କର୍ମଚାରୀ ଜିଲ୍ଲାପାଳଙ୍କୁ ଦାବିପତ୍ର ଦେଇଛନ୍ତି ।

ବରଗଡ଼ ଜିଲ୍ଲାର ବିଭିନ୍ନ ସ୍ଥାନରେ ନକଲି କୀଟନାଶକ ଔଷଧକୁ ଅସାଧୁ ବ୍ୟବସାୟୀ କମ୍‌ ଦାମରେ ବିକ୍ରି କରୁଥିବା ଅଭିଯୋଗ ହୋଇଛି । ଯାହାକୁ ରୋକିବାକୁ ଜିଲ୍ଲାପାଳଙ୍କୁ ଅନୁରୋଧ କରିଛନ୍ତି ଚାଷୀ ଓ କମ୍ପାନୀ କର୍ମଚାରୀ । ଅନ୍ୟପକ୍ଷରେ ନକଲି କୀଟନାଶକ ପ୍ରୟୋଗ ଦ୍ୱାରା ଫସଲ କ୍ଷତିଗ୍ରସ୍ତ ହେଉଛି । ତେଣୁ ଏହାକୁ ରୋକିବା ସହ ଅସାଧୁ ବ୍ୟବସାୟୀଙ୍କ ବିରୋଧରେ ଦୃଢ଼ କାର୍ଯ୍ୟାନୁଷ୍ଠାନ ନେବାକୁ ଦାବି ହୋଇଛି।

ଅନ୍ୟପଟେ କୀଟନାଶକ ଓ ସାର କିଣିବା ସମୟରେ ଚାଷୀମାନେ ଭଲକରି ଦେଖି କିଣିବାକୁ ଅତିରିକ୍ତ ଜିଲ୍ଲାପାଳ ମିର୍ଦ୍ଧା ଟପ୍ପୋ ପରାମର୍ଶ ଦେଇଛନ୍ତି ।