୨୪ ପାଇଁ ସମରସଜ୍ଜା, ଦିନକ ପରେ ପାଟନାରେ ବିରୋଧୀଙ୍କ ଏକତା ମେଳି

ନୂଆ ଦିଲ୍ଲୀ : ବିଜେପି ବିରୋଧରେ ଏକାଠି ହେଉଛନ୍ତି ବିରୋଧୀ । ଦିନକ ପରେ ପାଟନାରେ ହେବାକୁ ଯାଉଛି ଗୁରୁତ୍ବପୂର୍ଣ୍ଣ ବୈଠକ । କଂଗ୍ରେସ, ଆପ୍, ସମାଜବାଦୀ ପାର୍ଟି, ଟିଏମସି, ଜେଡିୟୁ, ଆରଜେଡି, ଶିବସେନା ଉଦ୍ଧବ ଗୋଷ୍ଠୀ ଆଦି ୨୦ ଦଳର ନେତା ଗୋଟିଏ ମଞ୍ଚରେ ଏକାଠି ହେବେ ।

୨୦୨୪ ଲୋକସଭା ନିର୍ବାଚନ ପୂର୍ବରୁ ବିରୋଧୀ ଏକତା ପାଇଁ ବିହାର ମୁଖ୍ୟମନ୍ତ୍ରୀ ନୀତୀଶ କୁମାରଙ୍କ ଅଧ୍ୟକ୍ଷତାରେ ଅନୁଷ୍ଠିତ ହେବ ବୈଠକ । ଏଥିରେ ରାହୁଲ ଗାନ୍ଧୀ, ଅରବିନ୍ଦ କେଜ୍ରିଓ୍ବାଲ, ମମତା ବାନାର୍ଜୀ, ଶରଦ ପାଓ୍ବାର, ଏମ କେ ଷ୍ଟାଲିନ, ଫାରୁକ ଅବଦୁଲ୍ଲା ସାମିଲ ହେବେ । ସେହିପରି ମେହବୁବା ମୁଫତି, ଉଦ୍ଧବ ଠାକରେ, ତେଜସ୍ବୀ ଯାଦବ, ସୀତାରାମ ୟେଚୁରୀ, ଡି ରାଜା ପ୍ରମୁଖ ବୈଠକରେ ଯୋଗଦେବା କାର୍ଯ୍ୟକ୍ରମ ରହିଛି ।

୨୦୨୪ ଲୋକସଭା ନିର୍ବାଚନରେ ବିଜେପିକୁ ଆଉଟ କରିବାକୁ ରାଷ୍ଟ୍ରୀୟ ଦଳ ଓ ଆଞ୍ଚଳିକ ଦଳ ମଧ୍ୟରେ ସମ୍ପର୍କ ସୁଧାର ପାଇଁ ବୈଠକରେ ବିଭିନ୍ନ ପ୍ରସଙ୍ଗରେ ଆଲୋଚନା ହେବ । ନୀତୀଶଙ୍କ ଅଭିଭାଷଣରୁ ବୈଠକ ଆରମ୍ଭ ହେବ । ସଭା ଶେଷରେ ଅଭିଭାଷଣ ରଖିବେ ରାହୁଲ ଗାନ୍ଧୀ । ଜୁନ ୧୨ ତାରିଖରେ ବିରୋଧୀ ଙ୍କ ମେଗା ବୈଠକ ହେବାକୁ ଥିବା ବେଳେ କୌଣସି କାରଣରୁ ଏହାକୁ ୨୩ ତାରିଖରୁ ସ୍ଥଗିତ ରଖାଯାଇଥିଲା ।…