ବାଉଁଶରକୁ ଗୁଳିମାଡ଼ ଘଟଣାରେ ସିଲ୍ ହେଲା କସ୍ମସ ବାର

ଭୁବନେଶ୍ବର: ସିଲ୍ ହେଲା ଭୁବନେଶ୍ବର ଡମଣା ଛକରେ ଥିବା କସ୍ମସ ବାର। ଚନ୍ଦ୍ରଶେଖରପୁର ପୋଲିସ ସହାୟତାରେ ବାର୍ ସିଲ କରିଛି ଭୁବନେଶ୍ୱର ଅବକାରୀ ବିଭାଗ I ଶୁକ୍ରବାର ରାତି ୪ଟା ଯାଏଁ ବାର୍ ଖୋଲିବା ଓ ବାଉଁଶର ଉପରକୁ ଗୁଳିମାଡ଼ ଘଟଣା ପରେ ସିଲ୍ ହୋଇଛି।

ରାତିରେ ହୋଇଥିବା ଗୁଳିମାଡ଼ ଏବଂ ଗଣ୍ଡଗୋଳ ବେଳର ସିସିଟିଭି ଫୁଟେଜ ଜବତ କରିଛି ପୋଲିସ ଓ ଅବକାରୀ ଟିମ I ନନ୍ଦିଘୋଷ ଟିଭି ହାତରେ ଲାଗିଛି ସେହି Exclusive ସିସିଟିଭି। ସାଢ଼େ ୧ଟାରେ ବନ୍ଦ କରିବା ଜାଗାରେ ରାତି ତମାମ ବାର ଖୋଲି ଡିଜେ ଲଗାଇ ରାତିକୁ ରଙ୍ଗୀନ କରୁଥିଲେ I ଚନ୍ଦ୍ରଶେଖରପୁର ଏବଂ ନନ୍ଦନକାନନ ଅଞ୍ଚଳରେ ଏକାଧିକ ବାର ବେଆଇନ ଭାବରେ ଚାଲୁଥିବା ଅଭିଯୋଗ ହୋଇ ଆସୁଥିଲା I ଗୁଳିମାଡ଼ ଘଟଣାରେ ଜଣେ ଆହତ ହେବା ପରେ ଅଭିଯୁକ୍ତଙ୍କୁ ଧରିବା ପାଇଁ ଚଢ଼ାଉ ଜାରି ରହିଛି।