ଆବାସ ଯୋଜନାରେ ଦୁର୍ନୀତି: ପୁରୁଣା ଘରେ ନୂଆ ବିଲ ଦେଖାଇ ଲକ୍ଷାଧିକ ଟଙ୍କା ଲୁଟ୍

ସୋନପୁର: ଆବାସ ଯୋଜନାରେ ଦୁର୍ନୀତି ଅଭିଯୋଗ l ପୁରୁଣା ଘରକୁ ନୂଆ ଦେଖାଇ ୧ ଲକ୍ଷରୁ ଅଧିକ ଟଙ୍କା ଲୁଟ୍ ଅଭିଯୋଗ । ଏଭଳି ସାଂଘାତିକ ଅଭିଯୋଗ ଆସିଛି ସୁବର୍ଣ୍ଣପୁର ପୂଜାରୀ ସାହାଜ ବାହାଲ ଗାଁରୁ l ଗାଁର ପାର୍ବତୀ ଯଗଦଲାଙ୍କ ନାଁରେ ପ୍ରଧାନମନ୍ତ୍ରୀ ଅlବlସ ଯୋଜନାରେ ଟଙ୍କା ଆସିଥିଲା । ଦୁଇଟି କିସ୍ତି ଟଙ୍କା ୧ ଲକ୍ଷରୁ ଊର୍ଦ୍ଧ୍ବ ଥିଲା । ପାର୍ବତୀ ଗୋଟିଏ କିସ୍ତି ଟଙ୍କା ପାଇଥିବା ବେଳେ ଘର ହେଇଯାଇଛି ବୋଲି ଆଉ ଟଙ୍କା ଆସିଲାନି । କିନ୍ତୁ ବିଲରେ ୨ଟି କିସ୍ତିର ଟଙ୍କା ଆସିଛି । ବଳକା ଟଙ୍କା ତାଙ୍କୁ ବିଭାଗୀୟ ଅଧିକାରୀ ନଦେଇ ହେରଫେର କରିଥିବା ସେ ଅଭିଯୋଗ କରିଛନ୍ତି ।

ଘର ଛାତ ପକାଇବା ପାଇଁ ଟଙ୍କା ଆସିବାକୁ ଅନାଇ ବସିଛନ୍ତି ପାର୍ବତୀ । ସେପଟେ ପୁରୁଣା ଘରକୁ ନୂଆ ଦେଖାଇ ଟଙ୍କା ନେଇ ଛୁ ବିଭାଗୀୟ ଅଧିକାରୀ । ଏକ ଲକ୍ଷରୁ ଅଧିକ ଟଙ୍କାର ବିଲ, ହେଲେ ହିତାଧିକାରୀଙ୍କ ଆକାଉଣ୍ଟକୁ ଆସିନି ଟଙ୍କା । ଘର ତିଆରି କାମ ବି ସରିନି । କିନ୍ତୁ ଘର ହୋଇଗଲା ବୋଲି ବିଲ୍ ହୋଇଛି । ପାର୍ବତୀଙ୍କ ନାଁରେ ପ୍ରଧାନମନ୍ତ୍ରୀ ଅlବlସ ଯୋଜନା ଆସିଥିଲା । ଦୁଇଟି କିସ୍ତି ପାଇଛନ୍ତି ବୋଲି ବିଲ୍ ମଧ୍ଯ ହୋଇଥିଲା । କିନ୍ତୁ ମହିଳା ଜଣଙ୍କ ତାଙ୍କ ଶ୍ବଶୁରଙ୍କ ଘର ଟଙ୍କା ମିଶାଇ ୬୦ ହଜାର ଟଙ୍କା ଉଠାଇଛନ୍ତି । ବଳକା ଟଙ୍କା ଘୋଟାଲା ହୋଇଥିଲା ଅଭିଯୋଗ କରିଛନ୍ତି ।

ପୁରୁଣା ଘର ଦେଖାଇ ବିଭାଗୀୟ ଅଧିକାରୀ ଟଙ୍କା ହଡପ କରିଥିବା ଗାଁର ଯୁବକ ସରୋଜ ବାରିକ ବିଡିଓଙ୍କ ପାଖରେ ଲିଖିତ ଅଭିଯୋଗ କରିଛନ୍ତି l ତେବେ ପୁରୁଣା ଘରେ ଦୁଇ ଦୁଇ ଥର କେମିତି ବିଲ୍ ହେଲା ବୋଲି ପ୍ରଶ୍ନ ଉଠିଛି l ଏନେଇ ତଦନ୍ତ ଦାବି କରିଛନ୍ତି ଗାଁ ଲୋକେ । ସେପଟେ ବିନିକା ବିଡିଓ ତଦନ୍ତ ପାଇଁ ବିଭାଗୀୟ ଅଧିକାରୀଙ୍କୁ ନିର୍ଦ୍ଦେଶ ଦିଆଯାଇଥିବା କହିଛନ୍ତି । ଦୁର୍ନୀତିର ତଦନ୍ତ କରି ଦୋଷୀ ବିରୋଧରେ ଦୃଢ କାର୍ଯ୍ୟାନୁଷ୍ଠାନ ପାଇଁ ଦାବି କରିଛନ୍ତି ହିତାଧିକାରୀ ।