ଦେଶରେ ୭ ଶହ ପାର କଲା ଓମିକ୍ରନ ଆକ୍ରାନ୍ତ, ଦିଲ୍ଲୀରେ ସର୍ବାଧିକ ୨୩୮

ନୂଆଦିଲ୍ଲୀ: ସାରା ଦେଶରେ ହୁ ହୁ ହୋଇ ବଢ଼ିବାରେ ଲାଗିଛି କରୋନାର ନୂଆ ଭାରିଆଣ୍ଟ ଓମିକ୍ରନ । ଭାରତର ୨୧ ରାଜ୍ୟରେ ନିଜର କାୟା ବିସ୍ତାର କରିସାରିଛି ଓମିକ୍ରନ । ସାରା ଦେଶରେ ବର୍ତ୍ତମାନ ଓମିକ୍ରନ ଆକ୍ରାନ୍ତଙ୍କ ସଂଖ୍ୟା ୭୮୨ରେ ପହଞ୍ଚିଛି ।  ଯାହା ଫଳରେ କେନ୍ଦ୍ର ସରକାରଙ୍କ ଚିନ୍ତା ବଢ଼ିଛି । ଓମିକ୍ରନ ଆକ୍ରାନ୍ତଙ୍କ ସଂଖ୍ୟା ବୃଦ୍ଧି ପାଉଥିବାର ଦେଖି ଅନେକ ରାଜ୍ୟ ନାଇଟ କର୍ଫ୍ୟୁ ଘୋଷଣା କରିସାରିଛନ୍ତି । ଏମିତି କି ଦିଲ୍ଲୀରେ ଅରବିନ୍ଦ କେଜ୍ରିଓ୍ୱାଲ ୟେଲୋ ଆଲର୍ଟ ମଧ୍ୟ ଜାରି କରିସାରିଛନ୍ତି ।

781 Omicron cases in India so far. 9,195 new COVID19 cases reported in the last 24 hours, active caseload at 77,002 pic.twitter.com/T856yGqZ0k

— ANI (@ANI) December 29, 2021

ଭାରତରେ ଚିହ୍ନଟ ହୋଇଥିବା ଓମିକ୍ରନ ଆକ୍ରାନ୍ତଙ୍କ ମଧ୍ୟରୁ ସର୍ବାଧିକ ଦିଲ୍ଲୀରେ ୨୩୮ ଜଣ ଚିହ୍ନଟ ହୋଇଛନ୍ତି । ସେହିପରି ମହାରାଷ୍ଟ୍ରରେ ୧୬୭, ଗୁଜୁରାଟରେ ୭୩, କେରଳରେ ୬୫, ତେଲେଙ୍ଗାନାରେ ୬୨, ରାଜସ୍ଥାନରେ ୪୬, କର୍ଣ୍ଣାଟକରେ ୩୪, ତାମିଲନାଡୁରେ ୩୪, ହରିଆଣାରେ ୧୨, ପଶ୍ବିମବଙ୍ଗରେ ୧୧, ମଧ୍ୟ ପ୍ରଦେଶରେ ୯, ଓଡ଼ିଶାରେ ୯, ଆନ୍ଧ୍ରପ୍ରଦେଶରେ ୬, ଉତ୍ତରାଖଣ୍ଡରେ ୪, ଚଣ୍ଡିଗଡ ଓ ଜାମ୍ମୁ କାଶ୍ମୀରରେ ୩, ଉତ୍ତର ପ୍ରଦେଶରେ ୨, ଗୋଆ, ହିମାଚଳ ପ୍ରଦେଶ, ଲଦାଖ ଓ ମଣିପୁରରେ ଜଣେ ଲେଖାଏଁ ଓମିକ୍ରନ ଆକ୍ରାନ୍ତ ଚିହ୍ନଟ ହୋଇଛନ୍ତି ।