ଆପଣ କରୋନା ଟିକା ନେଇଛନ୍ତି କି? କିମ୍ୱା କରୋନା ଟିକା ଆଗକୁ ନେବାକୁ ଚାହୁଁଛନ୍ତି କି? ତେବେ ଜାଣିରଖନ୍ତୁ ଏହି ଟିକା ନେବା ଫଳରେ ଶରୀରରେ କେଉଁ କେଉଁ ସବୁ ପାର୍ଶ୍ୱପ୍ରତିକ୍ରିୟା ଦେଖିବାକୁ ମିଳିପାରେ । ଜର, ଥଣ୍ଡା ଲାଗିବା, ମାସଂପେଶୀରେ ଦରଜ, ଇଞ୍ଜେକସନ୍ ନେଇଥିବା ପାର୍ଶ୍ୱରେ ଦରଜ ଭଳି ସାମାନ୍ୟ ସାଇଡ୍ ଇଫେକ୍ୱ କରୋନା ଟିକା ନେବା ପରେ ଆପଣଙ୍କଠାରେ ଦେଖିବାକୁ ମିଳିପାରେ । ଏଣୁ ଆପଣଙ୍କୁ ଏ ନେଇ ପ୍ରସ୍ତୁତ ରହିବା ଆବଶ୍ୟକ ।
ତେବେ କିଛି କରୋନା ଟିକାର ପରୀକ୍ଷଣ ଚାଲିଥିବା ବେଳେ ଏଥିଲାଗି ଦେଖାଯାଉଥିବା ସାଇଡଇଫେକ୍ୱର ତାଲିକା ମଧ୍ୟ ବଢ଼ିବାରେ ଲାଗିଛି । ଯାହା ସ୍ୱାଭାବିକ ପାର୍ଶ୍ୱପ୍ରତିକ୍ରିୟା ଠାରୁ ଭିନ୍ନ । ତେବେ ଯେଉଁମାନଙ୍କ ଠାରେ ଆଲାର୍ଜି ସମସ୍ୟ ଥାଏ, ସେମାନଙ୍କ ଠାରେ ଏଭଳି ସମସ୍ୟା ଦେଖିବାକୁ ମିଳିଥାଏ । ମଡେର୍ଣ୍ଣା ଟିକା ନେଇଥିବା କିଛି ଲୋକଙ୍କ ଓଠ ଫୁଲିଯାଏ । ତେବେ ଏହି ସାଇଡଇଫେକ୍ଟ ମାତ୍ର କିଛି ଲୋକଙ୍କ ଠାରେ ହିଁ ଦେଖାଯାଇଥାଏ ଏଣୁ ଏହାକୁ ବିରଳ ପାର୍ଶ୍ୱପ୍ରତିକ୍ରିୟା ଶ୍ରେଣୀର ଅନ୍ତର୍ଭୁକ୍ତ କରାଯାଇଛି । ତେବେ ଓଠ ଫୁଲିବା ସହ ପାଟି ଶୁଖିଲା ମଧ୍ୟ ପଡ଼ିପାରେ ।
ତେବେ ଆଉ ଏକ ସାଇଡଇଫେକ୍ଟ ହେଉଛି ଇଞ୍ଜେକସନ୍ ନେଇ ଥିବା ବାହୁରେ ଲଲ୍ପଡ଼ିଯିବା । ଏବଂ ସ୍ଥାନଟି ସ୍ୱାଭାବିକ ଠାରୁ ଅଧିକ କଠିନ ହୋଇଯିବ । ଏବଂ ଏହା ଘା’ ହୋଇଯିବା ସହ କୁଣ୍ଡାଇ ହୋଇଥାଏ । ଟିକା ନେବାର ୨ ଦିନ ପରେ ଏଭଳି ହୋଇଥିବା କିଛି କିଛି ଲୋକଙ୍କ ଠାରେ ଏହାରୁ ୭ରୁ ୯ ଦିନ ପରେ ମଧ୍ୟ ଦେଖାଯାଏ । ତେବେ ଏଭଳି ସାଇଡଇଫେକ୍ଟ ଦେଖିବା ପରେ ମଧ୍ୟ କରୋନା ଟିକାର ଦ୍ୱିତୀୟ ଡୋଜ୍ ନେବାରେ କୌଣସି ଅସୁବିଧା ନାହିଁ ।
