କରୋନା ଟିକା: ଭାରତ କିଣିଲା ୬୦ କୋଟି ଡୋଜ୍

ନୂଆଦିଲ୍ଲୀ: ଭାରତ କରୋନା ଟିକାର ୬୦ କୋଟି ଡୋଜ୍ ପ୍ରି ଅର୍ଡର କରିସାରିଛି । ଏହା ବ୍ୟତୀତ ଏକ ବିଲିୟନ ଡ଼ୋଜ୍ କିଣିବା ପାଇଁ ଯୋଜନା ଚାଲିଛି । କେବଳ ଆମେରିକା ୮୧ କୋଟି ଡୋଜ୍ ପ୍ରି ଅର୍ଡର କରିଛି । ଏଥିସହ, ଆମେରିକା ୧.୬ ବିଲିୟନ ଡ଼ୋଜ୍ ଆଣିବାକୁ ଚେଷ୍ଟା କରୁଛି । ଉଲ୍ଲେଖନୀୟ ଯେ, ଉଚ୍ଚ ଏବଂ ମଧ୍ୟମ ଆୟ କରୁଥିବା ଦେଶ ଅକ୍ଟୋବର ୮ତାରିଖ ସୁଦ୍ଧା ପ୍ରାୟ ୩.୮ ବିଲିୟନ ଡୋଜ୍ ପାଇଁ ବୁକିଂ କରିସାରିଛନ୍ତି।

ଟିକା ତିଆରି କ୍ଷେତ୍ରରେ ଭାରତ ବିଶ୍ୱରେ ଏକ ନମ୍ବରରେ ରହିଛି । ଭାରତ ଓ ଆମେରିକା ବ୍ୟତୀତ ୟୁରୋପିୟନ ୟୁନିୟନ୍ ୪୦ ଡୋଜ୍ ପ୍ରି ଅର୍ଡର କରିଛି ଏବଂ ୧.୫୬୫ ବିଲିୟନ ଡୋଜ୍ ପାଇଁ ଯୋଜନା ଚଲାଇଛି । ଅନୁସନ୍ଧାନ କେନ୍ଦ୍ରର ସହକାରୀ ନିର୍ଦ୍ଦେଶକ ଅନୁଯାୟୀ, ଏହି ଟିକାଗୁଡ଼ିକ ମଧ୍ୟରୁ କେବଳ କିଛି ଭ୍ୟାକ୍ସିନ୍ ପ୍ରକୃତରେ କିଣାଯାଇପାରିବ ଯାହା ରେଗୁଲେଟୋରି ଏପ୍ରୁଭାଲ ଉପରେ ନିର୍ଭର କରେ ।

ଏଯାଏଁ, ଏହି ସମସ୍ତ ଟୀକା ଏକ୍ସପେରିମେଣ୍ଟାଲ ପର୍ଯ୍ୟାୟରେ ରହିଛି ଏବଂ କାହାକୁ ଏପ୍ରୁଭାଲ ଦିଆଯାଇନାହିଁ । କୋଭିଡ -୧୯ ରୁ ବିଶ୍ୱକୁ ବଞ୍ଚାଇବା ପାଇଁ ଭାରତ ଏକ ଟିକା ପ୍ରସ୍ତୁତ କରୁଛି, ତେବେ ଏହା ନାଗରିକଙ୍କ ସୁରକ୍ଷା ସୁନିଶ୍ଚିତ କରିବ କି ନାହିଁ ତାହା ଜଣା ପଡିନି । ସରକାର ନାଗରିକଙ୍କ ସୁରକ୍ଷା ପାଇଁ ଅନେକ ଯୋଜନା ଚଲାଇଛି । ଏବଂ ଟିକା ପର୍ଯ୍ୟାପ୍ତ ମାତ୍ରାରେ ଉପଲବ୍ଧ ହେବା ପାଇଁ ସରକାର ଆବଶ୍ୟକ ପଦକ୍ଷେପ ମଧ୍ୟ ନେଇଛନ୍ତି ।