ଯମ ଯନ୍ତ୍ରଣାରେ ଛଟପଟ ହେଉଛି ଚୀନ, କରୋନା ନେଲାଣି ୭୧୭ଙ୍କ ଜୀବନ
1 min read
ବ୍ୟୁରୋ ରିପୋର୍ଟ: ଜୀବନ ନେଉଛି କରୋନା । ଚୀନ୍ରେ କରୋନା ଭାଇରସ୍ ଆକ୍ରାନ୍ତରେ ମୃତ୍ୟୁ ସଂଖ୍ୟା ୭୧୭ରେ ପହଞ୍ଚିଛି । ୩୧ ହଜାରରୁ ଅଧିକ ଆକ୍ରାନ୍ତ ରହିଥିବା ବେଳେ ୨୫ରୁ ଅଧିକ ଦେଶରେ ଭାଇରସ ଭୟ ଦେଖାଦେଇଛି ।
କରୋନା ଭାଇରସ୍ ଦ୍ଵାରା ପ୍ରଭାବିତ ଚୀନ୍ ଏବଂ ଅନ୍ୟାନ୍ୟ ଦେଶକୁ ସହାୟତା ପାଇଁ ଆମେରିକା ହାତ ବଢାଇଛି । ଏଥିପାଇଁ ଶହେ ନିୟୁତ ଡଲାର ବ୍ୟୟ କରିବାକୁ ଯୁକ୍ତରାଷ୍ଟ୍ର ଆମେରିକା ପକ୍ଷରୁ ଘୋଷଣା କରାଯାଇଛି ।
ଏନେଇ ଆମେରିକାର ବୈଦେଶିକ ସଚିବ ମାଇକ୍ ପମ୍ପିଓ ସୂଚନା ଦେଇଛନ୍ତି । କରୋନା ଭାଇରସ୍ ବିରୋଧରେ ଯୁକ୍ତରାଷ୍ଟ୍ର ଆମେରିକା ବଳିଷ୍ଠ ନେତୃତ୍ୱ ପ୍ରଦର୍ଶନ କରୁଥିବା ସେ କହିଛନ୍ତି ।
ଗତ ସପ୍ତାହରେ ଆମେରିକା ପକ୍ଷରୁ ଚୀନ୍କୁ ପ୍ରାୟ ୧୮ଟନ୍ ଡାକ୍ତରୀ ଉପକରଣ ପଠାଯାଇଥିଲା । ଚୀନରେ ବର୍ତ୍ତମାନ ମାସ୍କର ଅଭାବ ରହିଥିବା ନେଇ WHO ପକ୍ଷରୁ ଜଣାପଡିଛି ।
