ମହାରାଷ୍ଟ୍ରରେ ଲକ୍ଷେରୁ ଅଧିକ ସଂକ୍ରମିତ ଚିହ୍ନଟ
ନୂଆଦିଲ୍ଲୀ: ଦେଶରେ ବଢୁଛି କରୋନା ଗ୍ରାଫ୍ । ଗତକାଲି ଆସିଲା ସର୍ବଧିକ ସଂକ୍ରମିତ ଓ ମୃତ୍ୟୁ ସଂଖ୍ୟା । ବିଶ୍ୱ ମାନଚିତ୍ରରେ ବଢିଲା ଭାରତର ପଏଣ୍ଟ । ବ୍ରିଟେନକୁ ପଛରେ ପକାଇଲା ଭାରତ । କରୋନା ଆକ୍ରାନ୍ତଙ୍କ ସଂଖ୍ୟା ୩ ଲକ୍ଷ ପାଖରେ ପହଞ୍ଚିଛି ସଂକ୍ରମିତଙ୍କ ସଂଖ୍ୟା । ମୋଟ୍ ମୃତ୍ୟୁ ସଂଖ୍ୟା ୮ ହଜାର ଟପିଛି । ବର୍ତ୍ତମାନ ସୁଦ୍ଧା ସଂକ୍ରମିତଙ୍କ ସଂଖ୍ୟା ୨,୯୭,୫୩୫ରେ ପହଞ୍ଚିଛି ଏବଂ ସମୁଦାୟ ମୃତ୍ୟୁ ସଂଖ୍ୟା ଏବଂ ୮,୪୯୮ରେ ପହଞ୍ଚିଛି ।
ସେହିଭଳି ଦେଶରେ ୧ ଲକ୍ଷ ୪୬ ହଜାରରୁ ଅଧିକ ଆକ୍ଟିଭ୍ କେସ ରହିଛି । ଭାରତରେ ମହାରାଷ୍ଟ୍ର, ଗୁଜରାଟ, ପଶ୍ଚିମବଙ୍ଗ, ଅହମ୍ମଦାବାଦ, ଉତ୍ତର ପ୍ରଦେଶ, ଦିଲ୍ଲୀରେ ସ୍ଥିତି ସାଂଘାତିକ ରହିଛି । ମହାରାଷ୍ଟ୍ରରେ ସର୍ବାଧିକ ୧ଲକ୍ଷରୁ ଅଧିକ ଆକ୍ରାନ୍ତ ହୋଇଥିବା ବେଳେ ୩ ହଜାରୁ ଅଧିକ ଜଣକ ଜୀବନ ନେଇଛି କରୋନା ।
ସେହିଭଳି ଗୁଜରାଟରେ ୧୩ ଶହ , ପଶ୍ଚିମବଙ୍ଗରେ ଚାରିଶହ ଓ ଦିଲ୍ଲୀରେ ଏକ ହଜାର ଟପିଛି ମୃତ୍ୟୁ ସଂଖ୍ୟା । ତେବେ ସୁସ୍ଥ ସଂଖ୍ୟା ଦେଶବାସୀଙ୍କୁ ସାମନ୍ୟ ଆଶ୍ୱସ୍ଥି ଦେଇଛି । ଏପର୍ଯ୍ୟନ୍ତ ଭାରତରେ ୧ ଲକ୍ଷ ୫୪ ହଜାରରୁ ଅଧିକ ସୁସ୍ଥ ହୋଇଛନ୍ତି ।
