ଲକ୍ଡାଉନ୍ ୪.୦ରେ ୩ ନୁହେଁ ୫ ଜୋନ୍…
1 min read
ନୂଆଦିଲ୍ଲୀ: କରୋନା ଭାଇରସ୍ ବିସ୍ତାରକୁ ରୋକିବା ପାଇଁ କେନ୍ଦ୍ରର ମୋଦି ସରକାର ଦେଶବ୍ୟାପୀ ଲକଡାଉନ୍ ୪.୦ କୁ ମେ’ ୩୧ ପର୍ଯ୍ୟନ୍ତ ବୃଦ୍ଧି କରିଛନ୍ତି । ତେବେ ଏଥର ଲକ୍ଡାଉନ୍ରେ ଦେଶରେ ୩ ବଦଳରେ ୫ଟି ଜୋନ୍ କରିବାକୁ ନିଷ୍ପତ୍ତି ନିଆଯାଇଛି । ଏଥିରେ ରେଡ୍ ଜୋନ୍, ଗ୍ରୀନ୍ ଏବଂ ଅରେଞ୍ଜ ଜୋନ୍ ବ୍ୟତୀତ ବଫର୍ ଜୋନ୍ ଏବଂ କଣ୍ଟେନ୍ମେଣ୍ଟ ଜୋନ୍ ଅନ୍ତର୍ଭୁକ୍ତ ।
ଏହି ପାଞ୍ଚଟି ଜୋନ୍ ଉପରେ ରାଜ୍ୟ ସରକାର ନିଷ୍ପତ୍ତି ନେବେ । ବର୍ତ୍ତମାନ ପର୍ଯ୍ୟନ୍ତ ଦେଶରେ ମାତ୍ର ତିନୋଟି ଜୋନ୍ ରହିଥିଲା । ଯଥା:- ରେଡ୍ ଜୋନ୍, ଗ୍ରୀନ୍ ଜୋନ୍ ଏବଂ ଅରେଞ୍ଜ ଜୋନ୍ । ରବିବାର ଗୃହ ମନ୍ତ୍ରଣାଳୟ ଦ୍ୱାରା ଜାରି କରାଯାଇଥିବା ନିର୍ଦ୍ଦେଶାବଳୀରେ ଆଉ ଦୁଇ ନୂଆ ଜୋନ୍ ଯୋଡ଼ିବାକୁ କୁହାଯାଇଛି ।
ଏହି ଅନୁଯାୟୀ, ଲକଡାଉନ୍ ୪.୦ ସମୟରେ ମେଟ୍ରୋ ଏବଂ ବିମାନର କାର୍ଯ୍ୟକୁ ଅନୁମତି ଦିଆଯାଇ ନାହିଁ । ତେଣୁ ମେ ୩୧ ପର୍ଯ୍ୟନ୍ତ ମେଟ୍ରୋ ଚାଲିବା ଏବଂ ଘରୋଇ ତଥା ବିଦେଶୀ ଯାତ୍ରୀବାହୀ ବିମାନ ଉପରେ ସମ୍ପୂର୍ଣ୍ଣ ନିଷେଧାଦେଶ ରହିବ । ତେବେ ଘରୋଇ ଚିକିତ୍ସା ସେବା, ଘରୋଇ ଏୟାର ଆମ୍ବୁଲାନ୍ସ ଏବଂ ସୁରକ୍ଷା ବ୍ୟବସ୍ଥା ପାଇଁ ବିମାନ ଅନୁମତି ଦିଆଯିବ ।
ଲକ୍ଡାଉନ୍ ୪.୦ ସମୟରେ ସ୍କୁଲ, କଲେଜ, ରେଷ୍ଟୁରାଣ୍ଟ, ହୋଟେଲ, ସିନେମା ହଲ୍, ମଲ୍, ସୁଇମିଂ ପୁଲ୍, ପ୍ରେକ୍ଷାଳୟ ଏବଂ ବାରଗୁଡିକ ସମ୍ପୂର୍ଣ୍ଣ ବନ୍ଦ ରହିବ । ସ୍କୁଲ ଏବଂ କଲେଜଗୁଡ଼ିକୁ ଅନ୍ଲାଇନ୍ରେ ଅଧ୍ୟୟନ କରିବାକୁ ଅନୁମତି ଦିଆଯିବ ।
