ଦେଶରେ ଦିନକରେ ସର୍ବାଧିକ ୨ହଜାର କରୋନା ମୃତ୍ୟୁ
ନୂଆଦିଲ୍ଲୀ: ଦେଶରେ ବଢିଚାଲିଛି କରୋନା ପ୍ରକୋପ । ଗୋଟିଏ ଦିନରେ ସର୍ବାଧିକ ୨ ହଜାର ୩ ଜଣକ ମୃତ୍ୟୁ ହୋଇଥିବା ବେଳେ ଗତ ୨୪ ଘଣ୍ଟାରେ ୧୦, ୯୭୪ ଜଣ ସଂକ୍ରମିତ ହୋଇଛନ୍ତି । ବର୍ତ୍ତମାନ ସୁଦ୍ଧା ସାରା ଦେଶରେ ମୋଟ୍ ୩ ଲକ୍ଷ ୫୪ ହଜାର ୬୫ ଜଣ କରୋନାରେ ସଂକ୍ରମିତ ହୋଇଛନ୍ତି । ୧୧, ୯୦୩ ଜଣକ ଜୀବନ ନେଇଛି ମହାମାରୀ କରୋନା ଭୁତାଣୁ ।
୮୬ ହଜାର ଲୋକେ ସୁସ୍ଥ ହୋଇ ଘରକୁ ଫେରିଛନ୍ତି । ଏବଂ ୧ଲକ୍ଷ ୫୫ହଜାର ୨୨୭ ଜଣ ଏବେ ବିଭିନ୍ନ କୋଭିଡ ହସପିଟାଲରେ ଚିକିତ୍ସିତ ହେଉଛନ୍ତି । ସେହିଭଳି ମହାରାଷ୍ଟ୍ରରେ କରୋନାର ପ୍ରଭାବ ଢେର ଅଧିକ ରହିଛି, ଏଠାରେ ଦିନକୁ ଦିନ ସଂକ୍ରମିତ ସଂଖ୍ୟା ବଢୁଥିବାବେଳେ ମୃତ୍ୟୁ ସଂଖ୍ୟା ମଧ୍ୟ କମିବାର ନା ନେଉନି । ସେହିଭଳି ଦିଲ୍ଲୀ, ଉତ୍ତର ପ୍ରଦେଶ, ତେଲେଙ୍ଗାନା, ତାମିଲନାଡୁରେ ସ୍ଥିତି ସଂଘାତିକ ରହିଛି । ମୁକାବିଲା ପାଇଁ ସବୁ ସ୍ତରରେ ଚାଲିଛି ଜୋରଦାର ଉଦ୍ୟମ ।
