ଭୁବନେଶ୍ୱର: ରାଜ୍ୟରେ ନିୟନ୍ତ୍ରଣକୁ ଆସୁଛି କରୋନା ସଂକ୍ରମଣ। ଆଜି ସାରା ରାଜ୍ୟରୁ ଚିହ୍ନଟ ହୋଇଛନ୍ତି ଆଉ ୭ ହଜାର ୭୨୯ ପଜିଟିଭ। ଏଥିସହ ଆଉ ୩୯ ଜଣଙ୍କ ଜୀବନ ନେଇଛି ମହାମାରୀ କରୋନା। ଆଜି କ୍ୱାରେଣ୍ଟାଇନରୁ ୪ ହଜାର ୩୩୧ ଆକ୍ରାନ୍ତ ଥିବା ବେଳେ, ଲୋକାଲ କେସ ରହିଛି ୩ ହଜାର ୩୯୮। ତେବେ ଖୋର୍ଦ୍ଧାରୁ ସର୍ବାଧିକ ୧୦୬୨ ପଜିଟିଭ ଚିହ୍ନଟ ହୋଇଛନ୍ତି। ଅନ୍ୟ ଜିଲ୍ଲା କଥା ଯଦି ନଜର ପକାଇବା, ତେବେ କଟକରୁ ୭୨୦, ଅନୁଗୁଳରୁ ୪୪୯, ମୟୂରଭଞ୍ଜରୁ ୪୪୨, ବାଲେଶ୍ୱରରୁ ୪୨୬, ଯାଜପୁରରୁ ୩୮୮, ପୁରୀରୁ ୩୩୩, ରାୟଗଡ଼ାରୁ ୩୧୦, ଭଦ୍ରକରୁ ୨୮୭, ସୁନ୍ଦରଗଡ଼ରୁ ୨୭୦, ଜଗତସିଂହପୁରରୁ ୨୫୫, ଢେଙ୍କାନାଳରୁ ୨୫୨, କେନ୍ଦ୍ରାପଡ଼ାରୁ ୨୨୩ ଆକ୍ରାନ୍ତ ଚିହ୍ନଟ ହୋଇଛନ୍ତି। ସେହିପରି ନୟାଗଡ଼ରୁ ୨୧୯ ଜଣ ସଂକ୍ରମିତ ଥିବା ବେଳେ, ନବରଙ୍ଗପୁରରୁ ୨୧୯, ବରଗଡ଼ରୁ ୧୮୯, ଷ୍ଟେଟ୍ ପୁଲରୁ ୧୮୮, କୋରାପୁଟରୁ ୧୮୫, କଳାହାଣ୍ଡିରୁ ୧୬୭, କେନ୍ଦୁଝରରୁ ୧୬୬, ସମ୍ବଲପୁରରୁ ୧୬୧, ଗଞ୍ଜାମରୁ ୧୫୩, ବୌଦ୍ଧରୁ ୧୨୮, ମାଲକାନଗିରିରୁ ୧୦୪, ଦେବଗଡ଼ରୁ ୭୨, ଝାରସୁଗୁଡ଼ାରୁ ୭୧, ଗଜପତିରୁ ୬୮, ବଲାଙ୍ଗୀର ଓ ସୋନପୁରରୁ ୬୧ ଜଣ ଲେଖାଏଁ, କନ୍ଧମାଳରୁ ୫୨ ଓ ନୂଆପଡ଼ାରୁ ୪୮ ଜଣ ଆକ୍ରାନ୍ତ ଚିହ୍ନଟ ହୋଇଛନ୍ତି। ଗତ ୨୪ ଘଣ୍ଟାରେ ରାଜ୍ୟରୁ ସୁସ୍ଥ ହୋଇ ଘରକୁ ଫେରିଛନ୍ତି ୧୦ ହଜାର ୪୩୪ ଜଣ ଆକ୍ରାନ୍ତ। ଏଯାଏଁ ୭ ଲକ୍ଷ ୧୩ ହଜାର ୫୫ ଜଣ ଭଲ ହୋଇଥିବା ବେଳେ, ଆକ୍ଟିଭ୍ କେସ୍ ରହିଛି ୮୨ ହଜାର ୬୭୯।
