ନୂଆଦିଲ୍ଲୀ: କରୋନା ଭାଇରସ ଦେଶରେ ଦ୍ରୁତ ଗତିରେ ବ୍ୟାପିବାରେ ଲାଗିଛି। ସ୍ୱାସ୍ଥ୍ୟ ମନ୍ତ୍ରଣାଳୟର ସର୍ବଶେଷ ସୂଚନା ଅନୁଯାୟୀ, ଗତ ୨୪ ଘଣ୍ଟା ମଧ୍ୟରେ ଦେଶରେ ୨୪ ହଜାର ୪୯୨ ଟି ନୂଆ କରୋନା ମାମଲା ଚିହ୍ନଟ ହୋଇଛି। ସୋମବାର ଦିନ ଏହି ମହାମାରୀରେ ୧୩୧ ଜଣଙ୍କର ମୃତ୍ୟୁ ଘଟିଛି। ସର୍ବଶେଷ ତଥ୍ୟ ଅନୁଯାୟୀ, ଦେଶରେ କରୋନା ରୋଗର ପଜିଟିଭ ମାମଲା ଏକ କୋଟି ୧୪ ଲକ୍ଷ ୯ ହଜାର ୮୩୧ ରେ ପହଞ୍ଚିଛି। ସେଥିମଧ୍ୟରୁ ଏକ ଲକ୍ଷ ୫୮ ହଜାର ୮୫୬ ଜଣଙ୍କର ମୃତ୍ୟୁ ହୋଇଛି।
ଦେଶରେ ସମୁଦାୟ କରୋନା ସକ୍ରିୟ ମାମଲା ବର୍ତ୍ତମାନ ଦୁଇ ଲକ୍ଷ ୨୩ ହଜାର ୪୩୨ କୁ ବୃଦ୍ଧି ପାଇଛି। ଏଥି ସହିତ, ସୁସ୍ଥ ହୋଇ ଘରକୁ ଫେରିଥିବା ମାମଲାଗୁଡ଼ିକର ମୋଟ ସଂଖ୍ୟା ହେଉଛି ଏକ କୋଟି ୧୦ ଲକ୍ଷ ୨୭ ହଜାର ୫୪୩। ଗତକାଲି, ୨୦ ହଜାର ୧୯୧ ଜଣଙ୍କୁ ଡିସଚାର୍ଜ କରାଯାଇଥିଲା। ବର୍ତ୍ତମାନ ପର୍ଯ୍ୟନ୍ତ ଦେଶରେ ୩ କୋଟି ୨୯ ଲକ୍ଷ ୪୭ ହଜାର ୪୩୨ଟି କରେନା ଟିକା ଦିଆସରିଛି।
