ସନ୍ଦେହ ଘେରରେ ଚୀନ୍: ନୂଆ ଅଧ୍ୟୟନରୁ ମିଳିଲା କିଛି ଏମିତି ତଥ୍ୟ

ଉହାନ: ଉହାନରେ କରୋନା ମୃତ୍ୟୁରେ ହଠାତ୍ ୫୦ ପ୍ରତିଶତ ବଢିବା ପରଠାରୁ ଏହାର ସରକାରୀ ଆକଳନ ଉପରେ ସନ୍ଦେହ ବଢିବାରେ ଲାଗିଛି। ଗତ ସପ୍ତାହରେ ଚୀନ୍ ଉହାନ ମୃତକ ସଂଖ୍ୟା ବୃଦ୍ଧି କରି କହିଥିଲା ​​ବିଭିନ୍ନ କାରଣରୁ ଡାକ୍ତରଖାନାରେ ଏହି ମୃତ୍ୟୁକୁ ରେକର୍ଡ କରାଯାଇନଥିଲା । ବର୍ତ୍ତମାନ ହଂକଂର ଅନୁସନ୍ଧାନକାରୀମାନେ ଏକ ଅଧ୍ୟୟନରେ କହିଛନ୍ତି ଯେ ଚାଇନାରେ କରୋନା ପ୍ରଥମ ପର୍ଯ୍ୟାୟରେ ସଂକ୍ରମଣ ୨,୩୨,୦୦୦ରୁ ଅଧିକ ହୋଇପାରେ। ଏହି ସଂଖ୍ୟା ସରକାରୀ ଆକଳନରୁ ଚାରି ଗୁଣ ଅଧିକ ହୋଇପାରେ ।

୨୦ ଫେବୃଆରୀ ସୁଦ୍ଧା ଚୀନ୍ କେବଳ ୫୫ହଜାର କରୋନା ସଂକ୍ରମଣର ଚିହ୍ନଟ କରିଥଇଲାଷ, କିନ୍ତୁ ହଂକଂ ୟୁନିଭରସିଟି ଅଫ୍ ପବ୍ଲିକ୍ ହେଲଥର ଅନୁସନ୍ଧାନକାରୀମାନେ କହିଛନ୍ତି ଯେ, ଯଦି ଚାଇନା ଆରମ୍ଭରୁ ସଂକ୍ରମଣଙ୍କ ସଂଖ୍ୟା ଜଣାଇଥାନ୍ତା କି କେତେ କରୋନା ସଂକ୍ରମିତ ହୋଇଛନ୍ତି । ତେବେ ସରକାରୀ ଆକଳନରୁ ଏହି ସଂକ୍ରମିତଙ୍କ ସଂଖ୍ୟା ବହୁତ ଅଧିକ ଜଣାପଡ଼ିଥାନ୍ତା ।

ଚାଇନାରେ କରୋନା ସଂକ୍ରମଣର ମାମଲା ୮୩ ହଜାରରୁ ଅଧିକ ଆସିଥିଲା । ସମଗ୍ର ବିଶ୍ୱରେ, କରୋନା ମୃତକଙ୍କ ସଂଖ୍ୟା ୨ ଲକ୍ଷ ପାଖାପାଖି ଥିବାବେଳେ ୨୬ ଲକ୍ଷରୁ ଅଧିକ ସଂକ୍ରମଣ ମାମଲା ରହିଛି । ସମସ୍ତ ଦେଶରେ କରୋନା ସଂକ୍ରମଣ ମାମଲା ଚୀନ୍‌ର ଆକଳନକୁ ଅତିକ୍ରମ କରିସାରିଛି ଏବଂ ତଥାପି ମୃତକଙ୍କ ସଂଖ୍ୟା କମ ହେବାର ନାମ ନେଉନାହିଁ। ଚାଇନାର ଜାତୀୟ ସ୍ୱାସ୍ଥ୍ୟ ଆୟୋଗ ଜାନୁଆରୀ ୧୫ରୁ ମାର୍ଚ୍ଚ ୩ ମଧ୍ୟରେ କରୋନା ସଂକ୍ରମଣର ପ୍ରାୟ ୭ଟି ଭିନ୍ନ ମାମଲା ସ୍ଥିର କରିଛି ।

ହଂକଂ ଅଧ୍ୟୟନରେ ୨୦ଫେବୃଆରୀ ସୁଦ୍ଧା ଉହାନରେ ବିଶ୍ୱ ସ୍ୱାସ୍ଥ୍ୟ ସଂଗଠନ ମିଶନ୍ ଦ୍ୱାରା ପ୍ରକାଶିତ ତଥ୍ୟ ଅନ୍ତର୍ଭୁକ୍ତ ହୋଇଛି । ଅଧ୍ୟୟନରୁ ଜଣାପଡିଛି ଯେ ଚୀନ୍ ସରକାରଙ୍କ ପ୍ରାରମ୍ଭିକ ଚାରୋଟି ପରିବର୍ତ୍ତନ ହେତୁ ଚିହ୍ନଟ ହୋଇଥିବା ମାମଲା ଏବଂ କରୋନା ସଂକ୍ରମଣର ସରକାରୀ ଆକଳନ ମଧ୍ୟରେ ବ୍ୟବଧାନ ୨.୮ ରୁ ୭.୧ ଗୁଣ ବୃଦ୍ଧି ପାଇଛି ।

ଅଧ୍ୟୟନରେ କୁହାଯାଇଛି ଯେ ଯଦି ଚୀନ୍ ସରକାର କରୋନା ସଂକ୍ରମଣ ମାମଲା ପାଇଁ ପଞ୍ଚମ କରୋନା ଭିନ୍ନତା ବିଷୟରେ ସୂଚନା ଦେଇଥାନ୍ତେ, ଏବଂ ଯଦି ଏହା ଆରମ୍ଭରୁ କାର୍ଯ୍ୟକାରୀ ହୋଇଥାନ୍ତା, ତେବେ ଆମେ ଆକଳନ କରୁଛୁ ଯେ ଫେବୃଆରୀ ୨୦ ସୁଦ୍ଧା ୨,୩୨,୦୦୦ ମାମଲା ହୋଇଥାନ୍ତା । ଯାହା ଚାଇନାର ୫୫,୫୦୮ ତୁଳନାରେ ପ୍ରାୟ ଚାରି ଗୁଣ ଅଧିକ ହୋଇଥାନ୍ତା । ବର୍ତ୍ତମାନ ଚାଇନାରେ ସାମାନ୍ୟ ଲକ୍ଷଣର ସଂକ୍ରମିତଙ୍କ ଗଣନା କରାଯାଉଛି, ଯାହା ପୂର୍ବରୁ ହୋଇ ନଥିଲା।

ଚୀନ୍‌ର ଆକଳନକୁ ମଧ୍ୟ ପ୍ରଶ୍ନ କରାଯାଇଥିଲା । କାରଣ ଏହା ପ୍ରଥମେ କରୋନାରେ କୌଣସି ଲକ୍ଷଣ ନଥିବା ରୋଗୀଙ୍କୁ ସାମିଲ କରୁ ନଥିଲା। ଯଦି କେହି କରୋନା ସଂକ୍ରମଣର କୌଣସି ଲକ୍ଷଣ ଦେଖନ୍ତି ନାହିଁ କିନ୍ତୁ ସେ କରୋନା ଟେଷ୍ଟରେ ପଜିଟିଭ୍ ଆସନ୍ତି ତେବେ ଚୀନ୍ ତାଙ୍କୁ ଏକ କରୋନା ମାମଲା ଭାବେ ଗ୍ରହଣ କରିନାହିଁ । ତେବେ ଦକ୍ଷିଣ କୋରିଆ, ଜାପାନ ଏବଂ ସିଙ୍ଗାପୁର ଭଳି ଦେଶରେ ଏହି ପରୀକ୍ଷାରେ ପଜିଟିଭ୍ ଥିବା ସମସ୍ତ ରୋଗୀଙ୍କୁ ସରକାରୀ ସଂଖ୍ୟାରେ ଅନ୍ତର୍ଭୁକ୍ତ କରାଯାଇଛି ।

ଭାରତ ସମେତ ସମଗ୍ର ବିଶ୍ୱରେ ୫୦ପ୍ରତିଶତରୁ ଅଧିକ କରୋନା ସଂକ୍ରମଣରେ କୌ ଣସି ଲକ୍ଷଣ ଦେଖାଯାଏ ନାହିଁ । ଚଳିତ ମାସରେ ସାଉଥ-ଚାଇନା ଏକ ଖବର କାଗଜର ପ୍ରକାଶିତ ରିପୋର୍ଟରେ କୁହାଯାଇଛି ଯେ, ଚାଇନାରେ ଏକ ତୃତୀୟାଂଶ ଲୋକଙ୍କଠାରେ ବିଳମ୍ବିତ ଲକ୍ଷଣ ଦେଖାଦେଇଥିଲା ଏବଂ କିଛି ଲୋକଙ୍କଠାରେ କିଛି ବି କୌଣସି ଲକ୍ଷଣ ଦେଖାଇ ନଥିଲା । ଚାଇନାରେ କରୋନା ସଂକ୍ରମଣର ଦ୍ୱିତୀୟ ପର୍ଯ୍ୟାୟରେ ବିନା ଲକ୍ଷଣର ଅଧିକ ମାମଲା ଦେଖାଯାଇଥିଲା ।

ଚୀନ୍‌ର ଆକଳନକୁ ନେଇ ସାରା ବିଶ୍ୱ ସନ୍ଦେହରେ । ବୁଧବାର ଦିନ ଆମେରିକାର ବୈଦେଶିକ ସଚିବ ମାଇକ ପୋମ୍ପିଓ କହିଛନ୍ତି ଯେ ଚୀନ୍‌ର ଶାସକ କମ୍ୟୁନିଷ୍ଟ ପାର୍ଟି ନୂଆ କରୋନା ଭାଇରସର ମହାମାରୀ ସମ୍ପର୍କରେ ସୂଚନା ପ୍ରଦାନ କରିବାରେ ବିଫଳ ହୋଇଛି । ଆମେରିକା ଏବଂ ଅଷ୍ଟ୍ରେଲିଆ ମଧ୍ୟ କରୋନା ଜୀବାଣୁ ମହାମାରୀର ଅନ୍ତର୍ଜାତୀୟ ତଦନ୍ତ ଦାବି କରିଛନ୍ତି