କେବଳ ଗୋଟିଏ ଲକ୍ଷଣ ବତାଇପାରେ କରୋନା ଓ ଥଣ୍ଡା-ଜର ଭିତରେ ପାର୍ଥକ୍ୟ

ନୂଆଦିଲ୍ଲୀ: ଥଣ୍ଡା, ଜର ଓ କରୋନା । ଏହି ୩ଟି ରୋଗ ୩ ପ୍ରକାର ଅଲଗା ଅଲଗ ଭାଇରସ୍ ଦ୍ୱାରା ହୋଇଥାଏ । କିନ୍ତୁ ସମସ୍ତଙ୍କ ଲକ୍ଷଣ ପ୍ରାୟ ଏକପ୍ରକାରର । ଏମିତିରେ ଜାଣିବା ମୁସ୍କିଲ୍ କାହାକୁ କେଉଁ ରୋଗ ହୋଇଛି । କରୋନା ଭାଇରସ୍ ସଂକ୍ରମିତ ଅଧିକାଂଶ ଲୋକଙ୍କୁ ଜୋରରେ ଜର ଆସିବା ସହ ଲଗାତାର କାଶ ହୋଇଥାଏ । ଏପରିକି ଖାଦ୍ୟର ସ୍ୱାଦ ବାରିପାରନ୍ତି ନାହିଁ ଯାହାକି କରୋନାର ବଡ଼ ଲକ୍ଷଣ ଅଟେ ।

୩୭.୮ ଡିଗ୍ରୀ ସେଲସିୟସ ଅଥବା ଏହା ଠାରୁ ଅଧିକ ତାପମାତ୍ରା ଶରୀର ପାଇଁ ଅତ୍ୟଧିକ ତାପମାତ୍ରା । ଶରୀର କୌଣସି ସଂକ୍ରମଣ ସହ ଲଢ଼ୁଥିବା ବେଳେ ଏମିତି ଜୋରରେ ଜର ଆସେ । କେବଳ କରୋନା ଭାଇରସରେ ଏମିତି ହୁଏ ନାହିଁ । ତେବେ, ଜର ଆସିବା ହେଉଛି କରୋନା ଭାଇରସର ପ୍ରମୁଖ ଲକ୍ଷଣ । ତେବେ, ଏହି ଜର ସାଧାରଣ ଜର କିମ୍ବା ଇନଫେକ୍ସନ ବି ହୋଇ ଥାଇପାରେ । ଯେତେବେଳେ କି ଥଣ୍ଡା ହୋଇଥିବାବେଳେ ଶରୀରର ତାପମାତ୍ରା ଅଧିକା ରହିବା ଅସମ୍ଭବ ଅଟେ ।

୩୭.୮ ଡିଗ୍ରୀ ସେଲସିୟସ୍ ଅଥବା ଏହାଠାରୁ ଅଧିକ ତାପମାତ୍ରା ଥିବା ଲୋକଙ୍କୁ ଆଇସୋଲେସନରେ ରହିବାକୁ ପରାମର୍ଶ ଦିଆଯାଉଛି । ଜାତୀୟ ସ୍ୱାସ୍ଥ୍ୟ ସେବା ମୁତାବକ, ଶରୀରର ତାପମାତ୍ରା ଯାଞ୍ଚ ତିନି ପ୍ରକାରରେ କରାଯାଏ । ଥର୍ମୋମିଟରକୁ ଜିଭ ତଳେ, ହାତ କାଖ ତଳେ ରଖି ଶରୀରର ତାପମାତ୍ରା ଜାଣିହୁଏ । ଏହା ବ୍ୟତୀତ ଡିଜିଟାଲ ଥର୍ମୋମିଟରକୁ ମୁହଁ ଆଗରେ ରଖି ବଟନ ଦବାଇଲେ ଶରୀରର ତାପମାତ୍ର ଜାଣି ହୋଇଥାଏ ।

ଯଦି ଆପଣ ଥଣ୍ଡା ଅଥବା ଜରରେ ପୀଡ଼ିତ ତେବେ ଆପଣଙ୍କଠାରେ କାଶ ସହିତ ଆଉ କେତେକ ଲକ୍ଷଣ ଥାଇପାରେ । ଜର ଅଚାନକ ଆସେ । ଏହାଦ୍ୱାରା ଶରୀରର ମାଂସପେଶୀରେ ଦରଜ, ଥଣ୍ଡା ଲାଗିବା, ଗୋଡ଼ହାତ ଛେଚି ହେବା ଭଳି ଲାଗିବା, କ୍ଲାନ୍ତ ଲାଗିବା, ତଣ୍ଟି କାଟିବା, ନାକରୁ ପାଣି ବାହାରିବା ଓ କାଶ ହୁଏ । ଥଣ୍ଡା ହେଲେ ବି ଏହିଭଳି ଲକ୍ଷଣ ଦେଖାଯାଏ । ତେବେ, ଜର ଠାରୁ ଥଣ୍ଡା ବେଶୀ ବିପଜ୍ଜନକ ନୁହେଁ ।

ଥଣ୍ଡା, ଜର ଓ କରୋନା ସଂକ୍ରମିତଙ୍କ ଠାରେ କାଶ ଦେଖାଦିଏ । କିନ୍ତୁ, କରୋନା ଭାଇରସ୍ ସଂକ୍ରମିତଙ୍କ କାଶ ଭିନ୍ନ ପ୍ରକାରର । କୋଭିଡ୍ ସଂକ୍ରମିତ ଏକ ଘଣ୍ଟାରୁ ଅଧିକ ସମୟ ଧରି ଲଗାତାର କାଶି ଥାଆନ୍ତି । ୨୪ ଘଣ୍ଟା ମଧ୍ୟରେ କୋଭିଡ୍ ସଂକ୍ରମିତ ୩ରୁ ଅଧିକର ଥର ଏଭଳି ଘଣ୍ଟାଏରୁ ଅଧିକ ସମୟ କାଶନ୍ତି । ଯଦି ଆପଣଙ୍କୁ ଲମ୍ବା ସମୟ ଧରି କ୍ରୋନିକ ଅବଷ୍ଟ୍ରୁକ୍ଟିଭି ପୁଲମୋନାରୀ ଡିଜିଜ୍ (COPD) କାରଣରୁ କାଶ୍ ହେଉଛି ତ ଏହା ବିପଜ୍ଜନକ ହୋଇପାରେ । କାଶ୍ ବନ୍ଦ ହେଉନଥିଲେ ଆପଣଙ୍କୁ କରୋନା ଟେଷ୍ଟ କରିନେବା ଉଚିତ୍ ।

ସ୍ୱାଦ ଓ ଗନ୍ଧ ବାରିବା ଶକ୍ତି ହରାଇବା ମଧ୍ୟ କରୋନା ଭାଇରସର ଅନ୍ୟ ଏକ ପ୍ରମୁଖ ଲକ୍ଷଣ ଅଟେ । ତେବେ, ସାମାନ୍ୟ ଥଣ୍ଡାରେ ବି ଏମିତି ହୋଇଥାଏ । ଯଦି, ଆପଣଙ୍କୁ ଠିକ୍ ଲାଗୁନାହିଁ ତ କରୋନା ଭାଇରସର ସଂକ୍ରମଣରୁ ରକ୍ଷା ପାଇବା ପାଇଁ ନିଶ୍ଚିତ ଭାବେ ଟେଷ୍ଟ କରାଇ ନିଅନ୍ତୁ ନାହିଁ ।

ସ୍ୱାସ୍ଥ୍ୟ ବିଶେଷଜ୍ଞ ଛିଙ୍କ ଆସିବାକୁ କରୋନା ଭାଇରସର ଲକ୍ଷଣ ମାନନ୍ତି ନାହିଁ । ଏହି ଲକ୍ଷଣ କେବଳ ଥଣ୍ଡା ହେଲେ ଦେଖାଯାଏ । ଯେତେବେଳ ଯାଏଁ ଆପଣଙ୍କୁ ଜର, କାଶ, ସ୍ୱାଦ ଓ ଗନ୍ଧ ଲକ୍ଷଣ ନାହିଁ ତ କରୋନା ଟେଷ୍ଟ କରାଇବା ଦରକାର ନାହିଁ । ତେବେ, ଛିଙ୍କିବା ଦ୍ୱାରା ଶରୀର ବାହାରକୁ ଆସୁଥିବା କଣିକା ଦ୍ୱାରା କରୋନା ବ୍ୟାପିପାରେ । ଏଥିପାଇଁ ଛିଙ୍କିଲା ବେଳେ ନାକ ଓ ମୁହଁରେ ଟିସ୍ୟୁ, ରୁମାଲ ହାତର କହୁଣୀକୁ ରଖନ୍ତୁ । ଏବଂ ଛିଙ୍କି ସାରିବା ପରେ ଭଲକରି ଧୋଇ ଦିଅନ୍ତୁ । କରୋନା ହେଲେ ନାକରୁ ବାରମ୍ବାର ପାଣି ବାହାରୁଥିବା ବେଳେ ଥଣ୍ଡା ହେଲେ ଏହା ସାମାନ୍ୟ କଥା ।

କରୋନା ସଂକ୍ରମିତ ହେଲେ ସାମାନ୍ୟ ଓ ଗମ୍ଭୀର ଲକ୍ଷଣ ଦେଖାଦେଇପାରେ । ଅନେକ ସମୟରେ ଲୋକଙ୍କ ଠାରେ କୌଣସି ଲକ୍ଷଣ ହିଁ ନଥାଏ । ଏହା ପରେ ବି ସେ ସଂକ୍ରମିତ ଚିହ୍ନଟ ହୁଅନ୍ତି । ସାଧାରଣତଃ ସଂକ୍ରମିତ ହେବାର ୫ ଦିନ ମଧ୍ୟରେ ଲକ୍ଷଣ ଦେଖାଦିଏ । ବେଳେବେଳେ ଲକ୍ଷଣ ପ୍ରକାଶ ପାଇବା ପାଇଁ ୧୪ ଦିନ ଲାଗି ଯାଇଥାଏ । ନିଶ୍ୱାସ ନେବାରେ ଅସୁବିଧା ହେବାର କରୋନାର ସବୁଠୁ ବଡ଼ ଲକ୍ଷଣ । ଯଦି, ଆପଣ ନିଶ୍ୱାସ ନେବାବେଳେ ଅସୁବିଧାର ସମ୍ମୁଖୀନ ହେଉଛନ୍ତି ତ ତୁରନ୍ତ ଡାକ୍ତରଙ୍କ ସହ ପରାମର୍ଶ କରନ୍ତୁ । ଧ୍ୟାନ ଦିଅନ୍ତୁ ଥଣ୍ଡା କିମ୍ବା ଜର ରୋଗୀଙ୍କ ଠାରେ ଏମିତି ଲକ୍ଷଣ ଦେଖାଯାଏ ନାହିଁ ।