କରୋନା ପ୍ରଭାବ : କେନ୍ଦ୍ର କ୍ୟାବିନେଟ୍ ବୈଠକରେ ସାମାଜିକ ଦୂରତା
1 min read
ନୂଆଦିଲ୍ଲୀ: କରୋନା ଭାଇରସ ବିପଦ ଭିତରେ ଦେଶରେ ଲକ୍ଡାଉନ୍ ଜାରି କରାଯାଇଛି । ଲକ୍ଡାଉନ୍ ଜାରିର ଦିନକ ପରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ସରକାରୀ ବାସଭବନରେ ଅନୁଷ୍ଠିତ କ୍ୟାବିନେଟ୍ ବୈଠକରେ ସୋସିଆଲ ଡିଷ୍ଟାନ୍ସିଂ ଦେଖିବାକୁ ମିଳିଛି । ବୈଠକରେ ପ୍ରଧାନମନ୍ତ୍ରୀଙ୍କ ସମତେ ସବୁ ମନ୍ତ୍ରୀ ପରସ୍ପରଠାରୁ ଏକ-ଏକ ମିଟର ଦୂରତାରେ ବସିଥିବା ଦେଖିବାକୁ ମିଳିଛି ।
କରୋନା ଉପରେ ଚର୍ଚ୍ଚା ପାଇଁ ବସିଥିବା ଏହି ବୈଠକରେ ସବୁ ମନ୍ତ୍ରୀଙ୍କ ଚୌକିକୁ ଏକ ନିର୍ଦ୍ଦିଷ୍ଟ ଦୂରତାରେ ରଖାଯାଇଥିଲା ଯେମିତିକି ସାମାଜିକ ଦୂରତା ବଜାୟ ରହିବ । ବିଶେଷଜ୍ଞଙ୍କ କହିବା ହେଉଛି ଦୁଇ ଜଣ ଲୋକଙ୍କ ମଧ୍ୟରେ ଏକ ମିଟରରୁ ଅଧିକା ଦୂରତା ରହିଲେ ଭାଇରସ ସଂକ୍ରମଣ ବିପଦ କମ ହେବ ।
ପ୍ରଧାନମନ୍ତ୍ରୀ ଗତକାଲି ରାଷ୍ଟ୍ରକୁ ସମ୍ବୋଧନ କରି ଦେଶରେ ୨୧ ଦିନ ପାଇଁ ଲକ୍ଡାଉନ୍ ଲଗାଯିବା କଥା ଘୋଷଣା କରିଥିଲେ. । ଲକ୍ଡାଉନକୁ ସଠିକ ଭାବେ ପାଳନ ନକଲେ ଦେଶ ପାଇଁ କ୍ଷତିକାରକ ହେବ ବୋଲି ପ୍ରଧାନମନ୍ତ୍ରୀ କହିଥିଲେ ।
