କରୋନା ପ୍ରଭାବ: ସେନସେକ୍ସରେ ସର୍ବକାଳୀନ ହ୍ରାସ

ନୂଆଦିଲ୍ଲୀ: ସେୟାର ମାର୍କେଟ ଉପରେ କରୋନା ଭାଇରସର ଖୁବ୍ ପ୍ରଭାବ ପଡ଼ିଛି । ଗୋଟିଏ ସମୟରେ ୨୪ ଶହ ପଏଣ୍ଟରୁ ଅଧିକ ଖସିଥିଲା ସେନସେକ୍ସ । ସେହିପରି ନିଫ୍ଟି  ମଧ୍ୟ ୭୪୬ରୁ ଅଧିକ ପଏଣ୍ଟ ହ୍ର।ସ ପାଇଥିଲା । ୨୪ ଶହରୁ ଅଧିକ ପଏଣ୍ଟ ଖସି ସେନସେକ୍ସ ୩୩ ହଜାର ୧୫୫ ପଏଣ୍ଟରେ ପହଞ୍ଚିଥିଲା । ସେହିପରି ୭୫୦ରୁ ଅଧିକ ପଏଣ୍ଟ ହ୍ର।ସ ପାଇ ୯ ହଜାର ୬୯୪ ପଏଣ୍ଟରେ ପହଞ୍ଚିଥିଲା ନିଫ୍ଟି ।

ଦିନ ଗୋଟାଏ ବେଳକୁ ସେନସେକ୍ସ ୨ ହଜାର ୨୦୦ ପଏଣ୍ଟ ଖସି ୩୩ ହଜାର ୪୨୫ ପଏଣ୍ଟରେ ପହଞ୍ଚିଥିଲା । ନିଫ୍ଟି ମଧ୍ୟ ୬୯୩ ପଏଣ୍ଟ ଖସି ୯ ହଜାର ୭୬୮ ପଏଣ୍ଟରେ ପହଞ୍ଚିଥିଲା । ଚଳିତ ମାସରେ ଦ୍ୱିତୀୟ ଥର ପାଇଁ ମାର୍କେଟ କାରବାର ଏଭଳି ହ୍ର।ସ ପାଇଛି । ୯ ମାର୍ଚ୍ଚରେ ସେନସେକ୍ସ ୧୯ ଶହ ୪୧ ପଏଣ୍ଟ ହ୍ର।ସ ପାଇଥିଲା ।

WHO କରୋନାକୁ ବିଶ୍ୱ ମହାମାରୀ ଘୋଷଣା କରିବା ପରେ ଏହାର ପ୍ରଭାବ କାରବାର ଉପରେ ପଡିଛି । ଭାରତର ଭିସା ବନ୍ଦ କରିବା ଓ ଅନ୍ୟ ଦେଶର କଟକଣାର ପ୍ରଭାବ ସିଧାସଳଖ ମାର୍କେଟ ଉପରେ ପଡ଼ିଛି ।