ଦେଶରେ ମୋଟ୍ ସଂକ୍ରମିତ ସଂଖ୍ୟା ୫ଲକ୍ଷ ୮୫ ହଜାର ପାର୍… ୨୪ ଘଣ୍ଟାରେ ୫୦୭ ଜୀବନ ନେଲା କରୋନା

ନୂଆଦିଲ୍ଲୀ: ଭାରତରେ କରୋନା ତା’ର କାୟା ବିସ୍ତାର କରିଚାଲିଛି । ବର୍ତ୍ତମାନ ସୁଦ୍ଧା ସଂକ୍ରମିତଙ୍କ ସଂଖ୍ୟା ପ୍ରାୟ ଛଅ ଲକ୍ଷରେ ପହଞ୍ଚିଲାଣି । ଗତ ୨୪ ଘଣ୍ଟା ମଧ୍ୟରେ ୧୮ହଜାର ୬୫୩ ନୂଆ ପଜିଟିଭ ଚିହ୍ନଟ ହୋଇଥିବା ବେଳେ କରୋନା ସଂକ୍ରମଣରେ ୫୦୭ଜଣଙ୍କ ମୃତ୍ୟୁ ହୋଇଛି ।  ସ୍ୱାସ୍ଥ୍ୟ ମନ୍ତ୍ରଣାଳୟ ଅନୁଯାୟୀ ଏପର୍ଯ୍ୟନ୍ତ ୫ ଲକ୍ଷ ୮୫ ହଜାର ୪୯୩ ଜଣ ଲୋକ କରୋନାରେ ସଂକ୍ରମିତ ଅଛନ୍ତି।

୨ଲକ୍ଷ ୨୦ ହଜାରରୁ ଅଧିକ ଆକ୍ଟିଭ୍ କେସ ରହିଥିବା ବେଳେ ୩ଲକ୍ଷ ୪୭ ହଜାରରୁ ଅଧିକ ଚିକିତ୍ସା ପରେ ସୁସ୍ଥ ହୋଇଛନ୍ତି । ସେହିପରି ଦେଶରେ ୧୭ ହଜାର ୪ଶହ କରୋନା ସଂକ୍ରମିତଙ୍କ ମୃତ୍ୟୁ ହୋଇଛି । ମହାରାଷ୍ଟ୍ରରେ ସର୍ବାଧିକ ୧ଲକ୍ଷ ୭୪ହଜାର ସଂକ୍ରମିତ ହୋଇଥିବା ବେଳେ ୭ହଜାର ୮ଶହରୁ ଅଧିକ ମୃତ୍ୟୁ ହୋଇଛି ।

https://nandighoshatv.com/biramitrapur-iic-dismissed-by-odisha-dgp/

ତାମିଲନାଡୁରେ କରୋନା ସଂକ୍ରମିତଙ୍କ ସଂଖ୍ୟା ୯୦ ହଜାର ଟପିଥିବା ବେଳେ ଦିଲ୍ଲୀରେ ୮୭ହଜାରରୁ ଅଧିକ ଆକ୍ରାନ୍ତ ହୋଇଛନ୍ତି । ଦେଶରେ ପ୍ରତି ଆଠ ଦିନରେ କୋଭିଡ -୧୯ ର ୧୫,୦୦୦ ରୁ ଅଧିକ ନୂଆ ମାମଲା ସାମନାକୁ ଆସୁଛି । ସେଥିରୁ ୫୯.୦୭ ପ୍ରତିଶତ ସଂକ୍ରମିତ ଠିକ୍ ହେଉଛନ୍ତି । ବିଦେଶୀ ନାଗରିକମାନେ ମଧ୍ୟ ମୋଟ ସଂକ୍ରମିତ ସଂଖ୍ୟାରେ ଜଡିତ ଅଛନ୍ତି । ଜୁନ୍ ୧ ଠାରୁ ଦେଶରେ ୩ ଲକ୍ଷ ୭୬ ହଜାର ୩୦୫ଟି ସଂକ୍ରମିତ ଚିହ୍ନଟ ହୋଇଛନ୍ତି ।

ଦୁନିଆର ଚତୁର୍ଥ ସର୍ବାଧିକ ପ୍ରଭାବିତ ଦେଶ

ଆମେରିକା, ବ୍ରାଜିଲ, ଋଷ ପରେ କରୋନା ମହାମାରୀ ଦ୍ୱାରା ସର୍ବାଧିକ ପ୍ରଭାବିତ ଦେଶ ମଧ୍ୟରେ ଭାରତ ଚତୁର୍ଥ ସ୍ଥାନରେ ରହିଛି। ଭାରତ ଅପେକ୍ଷା ଅଧିକ ମାମଲା ଆମେରିକାରେ (୨,୭୨୭,୩୯୮), ବ୍ରାଜିଲ (୧,୪୦୮,୪୮୫), ଋଷ(୬,୪୭,୮୪୯)ରେ ଅଛି କିନ୍ତୁ ଭାରତରେ ମାମଲା ବୃଦ୍ଧିର ଗତି ବିଶ୍ୱରେ ତୃତୀୟ ସ୍ଥାନରେ ରହିଛି । ଆମେରିକା ଏବଂ ବ୍ରାଜିଲ ପରେ ଗୋଟିଏ ଦିନରେ ଭାରତରେ ସର୍ବାଧିକ ସଂଖ୍ୟକ ମାମଲା ପଞ୍ଜିକୃତ ହୋଇଛି  ।