କରୋନା ପ୍ରଭାବ: ‘ଆପଣ କେଉଁଠାରୁ ଆସୁଛନ୍ତି’? ଉତ୍ତର ଶୁଣି ଟ୍ରେନରେ ସୃଷ୍ଟି ହେଲା ହଇଚଇ

ହାୱଡା ରାଞ୍ଚି ଶତାବ୍ଦି ଏକ୍ସପ୍ରେସ କୋଚ ନମ୍ବର ସି ୭ରେ ଗତ କାଲି ବିଶୃଙ୍ଖଳା ପରିସ୍ଥିତି ସୃଷ୍ଟି ହୋଇଥିଲା । ଯେତେବେଳେ ଟିଟି ଜଣେ ଯାତ୍ରୀଙ୍କୁ ଟିକେଟ ମାଗିଥିଲେ, ସେତେବେଳେ ପୁରା ଟ୍ରେନରେ ହଇଚଇ ସୃଷ୍ଟି ହୋଇଥିଲା। ତେବେ ଟିଟି ଜଣେ ଯୁବକଙ୍କୁ ପଚାରିଥିଲେ ଯେ, ସେ କେଉଁଠାରୁ ଆସିଛନ୍ତି । ଏନେଇ ଯୁବକ ଜଣକ ଉତ୍ତର ଦେଇଥିଲେ ଯେ, ସେ ୟୁଏଇର ଆବୁଧାବିରୁ ଫେରୁଛନ୍ତି। ଏହା କହିବା ମାତ୍ରେ ସେହି ବଗିରେ ଉପସ୍ଥିତ ଥିବା ସମସ୍ତ ଲୋକେ ଡରିଯାଇଥିଲେ । କେବଳ ସେଠାରେ ଥିବା ଯାତ୍ରୀମାନେ ନୁହଁନ୍ତି, ଟିଟି ନିଜେ ଏତେ ଡରିଯାଇଥିଲେ ଯେ, ସେ ଆଉ ଟିକେଟ ବିଷୟରେ ପଚାରିଲେ ନାହିଁ।

ଏହାପରେ ବୋକାରୋ ଷ୍ଟେସନରେ ହିଁ ଯୁବକଙ୍କର ଡାକ୍ତରୀ ପରୀକ୍ଷା କରାଯାଇଥିଲା । ପରୀକ୍ଷା ପରେ ତାଙ୍କୁ ଷ୍ଟେସନରୁ ଛଡା ଯାଇଥିଲା । ଡାକ୍ତର ଯାତ୍ରୀଙ୍କ ପରୀକ୍ଷା କରିବା ପରେ କରୋନାର କୌଣସି ଲକ୍ଷଣ ମିଳିନଥିଲା। ଏହା ପରେ ବରିଷ୍ଠ ଡିଏମଓ ଜିଲ୍ଲାର ସ୍ୱାସ୍ଥ୍ୟ ବିଭାଗ ସହ କଥା ହୋଇ ଯୁବକଙ୍କୁ ମୁକ୍ତ କରିଥିଲେ। ଏହା ପରେ ସେ ଘରକୁ ଯାଇଥିଲେ। ଗତ କାଲି ଯୁବକଙ୍କ ବୟାନ ପରେ ତାଙ୍କର ସବୁ ପରୀକ୍ଷା କରାଯାଇଥିଲା । ଟେଷ୍ଟ ନେଗେଟିଭ ଆସିବା ପରେ ଏହା ଜିଲ୍ଲା ସ୍ୱାସ୍ଥ୍ୟ ବିଭାଗ ଏବଂ WHO ର ଅଧିକାରୀମାନଙ୍କୁ ଜଣା ଯାଇଥିଲେ।

ଶତାବ୍ଦି ଏକ୍ସପ୍ରେସ ପହଞ୍ଚିବା ପୂର୍ବରୁ ବୋକାରୋ ରେଳ ଷ୍ଟେସନରେ ରେଳ ପ୍ରଶାସନ ପ୍ଲାଟଫର୍ମ ନମ୍ବର -୨ ରେ ପହଞ୍ଚିଥିଲେ। ଯୁବକ ଟ୍ରେନରୁ ଓହ୍ଲାଇବା ମାତ୍ରେ ରେଳ ଅଧିକାରୀମାନେ ତାଙ୍କୁ ସୁରକ୍ଷା ପାଇଁ ପଚରାଉଚରା କରିଥିଲେ। ଏହି କ୍ରମରେ ଦମଦମ୍  ବିମାନବନ୍ଦରରେ   ଯାଞ୍ଚ ପରେ ତାଙ୍କୁ ଡାକ୍ତର ଦେଇଥିବା କାଗଜପତ୍ର  ଯୁବକ ଦେଖାଇଥିଲେ ।  ଟିଟି ବୋକାରୋ ଅଧିକାରୀମାନଙ୍କୁ ଟ୍ରେନର ପୁରା କାହାଣୀ କହିଥିଲେ ।

ପଚରାଉଚରା ବେଳେ ଯୁବକ କହିଥିଲେ ଯେ, ସେ ବିମାନବନ୍ଦରରୁ ସିଧାସଳଖ ହାୱଡା ଜଙ୍କସନରେ ପହଞ୍ଚିଥିଲେ । ତାଙ୍କୁ ଅଧିକ ସମୟ ବିମାନ ବନ୍ଦରରେ ଅଟକ ରଖାଯିବା କାରଣରୁ ସେ ଟ୍ରେନ୍ ଟିକେଟ୍ କରିବାକୁ ସମୟ ପାଇନଥିଲେ । ତେଣୁ  ହାୱଡା ରାଞ୍ଚି ଶତାବ୍ଦି ଏକ୍ସପ୍ରେସର ସି -୭ କୋଚରେ ସେ  ବିନା ଟିକେଟ୍ ରେ ବୋକାରୋ ଯିବାକୁ ସବାର ହୋଇଥିଲେ ।