ବିଦେଶରେ ରାଷ୍ଟ୍ରପତିଙ୍କଠାରୁ ମନ୍ତ୍ରୀ,କଣ ପାଇଁ ସମସ୍ତେ ଯୋଡୁଛନ୍ତି ହାତ ?

କରୋନା ପାଇଁ ହିନ୍ଦୁ ସଂସ୍କୃତିକୁ ଆପଣେଇଛନ୍ତି ବିଦେଶୀ । ହ୍ୟାଣ୍ଡସେକ ବଦଳରେ ଚାଲିଛି ନମସ୍କାର(ନମସ୍ତେ)ର ଜମାନା । ବିଦେଶ ରାଜାଙ୍କଠୁ ଆରମ୍ଭ କରି ସାଧାରଣ ଲୋକଙ୍କ ପର୍ଯ୍ୟନ୍ତ । ଯାହାକୁ ଦେଖ ସମସ୍ତେ ନମସ୍କାର କରୁଛନ୍ତି । ଏସବୁ କେବଳ ସମ୍ଭବ ହୋଇଛି କରୋନା ଭାଇରସ୍‌ ପାଇଁ । ଯାହା କେବଳ ଭାରତକୁ ଆସୁଥିବା ବିଦେଶୀ ମାନେ ଆପଣଉଥିଲେ । ଏବେ ନିଜ ଦେଶରେବି ଏମିତି ନମସ୍କାର କରୁଛନ୍ତି ବିଦେଶୀ । ଏମିତି କିଛି ଦୃଶ୍ୟ ଏବେ ବହୁ ମାତ୍ରାରେ ଭାଇରାଲ ହେବାକୁ ଲାଗିଛି ।

https://www.facebook.com/Indiaagainsturbannaxals/videos/231366464687264/

ଗତ ବୁଧବାର ଫ୍ରାନ୍ସର ରାଷ୍ଟ୍ରପତି ଇମାନୁଏଲ୍ ମାକ୍ରୋନ୍ ସ୍ପେନର ରାଜା ଏବଂ ରାଣୀଙ୍କୁ ଅଭିବାଦନ ଜଣାଇଲା ବେଳେ ରାଜା ରାଣି କରୋନା ଭୟରେ ହ୍ୟାଣ୍ଡସେକ ନକରି ଭାରତୀୟ ପରମ୍ପରାଗତ ନମସ୍କାର କରିଥିଲେ । ଯାହା  କ୍ୟାମେରାରେ ରେକର୍ଡ ହେବା ପରେ ଏବେ ଭାଇରାଲ ହେବାରେ ଲାଗିଛି ।

ଖାଲି ସେତିକି ନୁହେଁ ଇସ୍ରାଇଲରେ ମଧ୍ୟ କରୋନାକୁ ନେଇ ଏବେ ନମସ୍କାରର ଜମାନା ଚାଲିଛି । ଇସ୍ରାଇଲର ପ୍ରଧାନମନ୍ତ୍ରୀ ବେଞ୍ଜାମିନ ନେତାନ୍ୟାହୁ ମଧ୍ୟ ନମସ୍କାର କରୁଛନ୍ତି । ଫ୍ରାନ୍ସର ରାଷ୍ଟ୍ରପତି ଇମାନୁଏଲ ମକ୍ରୋନ ମଧ୍ୟ ଏଭଳି ହ୍ୟାଣ୍ଡସେକ ନକରି ନମସ୍କାରର ପନ୍ଥା ଆପଣେଇଛନ୍ତି ।

ୟୁରୋପୀୟ ଜନସ୍ୱାସ୍ଥ୍ୟ କର୍ତ୍ତୃପକ୍ଷ କହିଛନ୍ତି ଯେ କରୋନାଭାଇରସର ବିସ୍ତାରକୁ ରୋକିବା ପାଇଁ ଲୋକମାନେ ହାତ ମିଳାଇବା ଠାରୁ ଦୂରେଇ ରହିବା ଉଚିତ, ଯାହା ଚର୍ମରୁ ଚର୍ମ ସଂସ୍ପର୍ଶରେ ଆସିପାରେ।

ରଏଟର୍ସ ଦ୍ୱାରା ସଂଗୃହିତ ସର୍ବଶେଷ ତଥ୍ୟ ଅନୁଯାୟୀ ସ୍ପେନରେ ୨,୧୨୪ ଜୀବାଣୁ ନିଶ୍ଚିତ ହୋଇଥିବାବେଳେ ଫ୍ରାନ୍ସରେ ୧,୭୮୪ ମାମଲା ରହିଛି।

ବ୍ରିଟିଶ ସିଂହାସନର ଉତ୍ତରାଧିକାରୀ ପ୍ରିନ୍ସ ଚାର୍ଲ୍ସ ଏହି ସପ୍ତାହ ପୂର୍ବରୁ ଲଣ୍ଡନରେ  କମନୱେଲଥ ଇଭେଣ୍ଟରେ ଅତିଥିମାନଙ୍କୁ ଅଭିବାଦନ ଜଣାଇବା ପରେ ହ୍ୟାଣ୍ଡସେକ ବଦଳରେ ନମସ୍କାର-ଷ୍ଟାଇଲରେ ଅଭିବାଦନ  କରିଥିଲେ।