ଭାଗଲପୁର: କରୋନା ପାଇଁ ଏକ ପ୍ରକାର ମାନବିକତା ହରାଉଛନ୍ତି ଲୋକେ । ଲୋକଙ୍କ ମନରେ କରୋନା ଭୟ ଏତେ ଅଧିକ ଅଛି ଯେ ଅନ୍ୟ ଲୋକଙ୍କୁ ସହାଯ୍ୟ ଦେବାକୁ ଡ଼ରୁଛନ୍ତି ଏମାନେ । ଏବେ ଏମିତି ଏକ ଘଟଣା ସାମ୍ନାକୁ ଆସିଛି ଯାହାକୁ ଜାଣିଲେ ଆପଣ ମଧ୍ୟ ଭାବିବାକୁ ବାଧ୍ୟ ହେବେ । ବିହାରର ଭାଗଲପୁରର ଏକ ଔଷଧ ଦୋକାନ ସାମ୍ନାରେ ହିଁ ଜଣେ ରୋଗୀର ମୃତ୍ୟୁ ହୋଇଯାଇଥିଲା କିନ୍ତୁ ସେଠାରେ ଉପସ୍ଥିତ ଥିବା ଲୋକେ ତାଙ୍କୁ ଅନେଇଲେ ବି ନାହିଁ । ସେହି ରୋଗୀର ଶବ ଘଣ୍ଟା ଘଣ୍ଟା ଧରି ଦୋକାନ ସାମ୍ନାରେ ପଡ଼ି ରହିଲା, କିନ୍ତୁ କେହି ତାଙ୍କ ନିକଟକୁ ଯିବାକୁ ସାହସ ମଧ୍ୟ କଲେ ନାହିଁ। 
ସୂଚନା ଅନୁଯାୟୀ, ମୃତ ରୋଗୀ ଶ୍ୱାସ ରୋଗ ପାଇଁ ଔଷଧ ନେବା ପାଇଁ ଦୋକାନରେ ଆସିଥିଲେ । ସେଠାରେ ଆତ୍ମାରାମ ମେଡିକାଲ ସମ୍ମୁଖରେ ରୋଗୀ ଜଣଙ୍କ ଦୋକାନରୁ ଔଷଧ ନେବା ପରେ ସେଠାରେ ହିଁ ମୁହଁ ମାଡ଼ି ପଡ଼ଯାଇଥିଲା ଏବଂ ସେଠାରେ ହିଁ କିଛି ସମୟ ପରେ ତାଙ୍କର ମୃତ୍ୟୁ ହୋଇଯାଇଥିଲା । ତେବେ ସେଠାରେ ହିଁ ତାଙ୍କ ଶରୀର ଅନେକ ଘଣ୍ଟା ଧରି ସେଠାରେ ହିଁ ପଡ଼ି ରହିଥିଲା । ଯଦିଓ ସେଠାରେ ସ୍ଥାନୀୟ ଲୋକଙ୍କ ଭିଡ଼ ଜମିଥିଲା କିନ୍ତୁ କେହି ଯିବାକୁ ଚେଷ୍ଟା କଲେ ନାହିଁ। ସମସ୍ତେ କରୋନା ସଂକ୍ରମଣକୁ ଭୟ କରୁଥିଲେ।
ସୂଚନା ପାଇବା ପରେ ପୋଲିସ ସେଠାରେ ପହଞ୍ଚିଥିଲା କିନ୍ତୁ ସେମାନେ ମଧ୍ୟ ଅସହାୟ ମନେ ହେଉଥିଲେ। ଏସଏସପିଙ୍କ ନିର୍ଦ୍ଦେଶରେ ଆମ୍ବୁଲାନ୍ସକୁ ଡକାଯାଇଥିଲା, କିନ୍ତୁ କରୋନା ସନ୍ଦେହରେ ଆମ୍ବୁଲାନ୍ସ କର୍ମଚାରୀମାନେ ମୃତଦେହ ଦେଖି ସେଠାରୁ ପଳାଇ ଯାଇଥିଲେ।
ସକାଳ ସାଢେ ୧୦ ରୁ ସଂଧ୍ୟା ୪.୨୩ ପର୍ଯ୍ୟନ୍ତ ଔଷଧ ଦୋକାନର ହିଁ ମୃତଦେହ ପଡ଼ି ରହିଥିଲା କିନ୍ତୁ ଏହାକୁ ନେବାକୁ କେହି ବି ଆସି ନଥିଲେ। ଏହି ସମୟ ମଧ୍ୟରେ ମୃତ ବ୍ୟକ୍ତିଙ୍କୁ ଚିହ୍ନଟ କରାଯାଇ ପାରି ନଥିଲା କିମ୍ବା ପରିବାର ଲୋକ ତାଙ୍କୁ ଖୋଜିବାକୁ ଆସିନଥିଲେ। ପୋଲିସ ସେଠାରେ ଅନେକ ଥର ପହଞ୍ଚିଥିଲା, ତଥାପି ଶବ ପ୍ରାୟ ପାଞ୍ଚ ଘଣ୍ଟା ପଡ଼ି ରହିଥିଲା ।
ଏହି ସମୟ ମଧ୍ୟରେ ଭାଗଲପୁରର ଯେଉଁ ଘଟଣା ଘଟିଲା ସେଥିରେ ଜିଲ୍ଲା ପ୍ରଶାସନ, ସିଭିଲ ସର୍ଜନ ଏବଂ କୋଭିଡ କେୟାରରେ ଜଡିତ ଅଧିକାରୀଙ୍କୁ ଲଜ୍ଜିତ କରିଥିଲା । ଡେପୁଟି ମେୟରଙ୍କ ନିର୍ଦ୍ଦେଶ ପରେ ମ୍ୟୁନିସିପାଲିଟି ତାଙ୍କ କର୍ମଚାରୀଙ୍କୁ PPE କିଟ୍ ସହିତ ଦୋକାନକୁ ପଠାଇଥିଲା । ଏବଂ ସେମାନେ ସନ୍ଧ୍ୟା ସାଢେ ୪ଟା ସମୟରେ ମୃତଦେହ ସେଠାରୁ ବାହାର କରିଥିଲେ ।
