Corona Vaccine Price in India : ଭାରତରେ ମାତ୍ର ୨୨୫ ଟଙ୍କାରେ ମିଳିବ କରୋନା ଟିକା !
1 min read
ଭାରତରେ କରୋନା ଭାଇରସ ଟିକାର ଦାମ କେତେ ହେବ ? ଏହାକୁ କ’ଣ ସାଧାରଣ ଲୋକ କିଣି ପାରିବେ ? ଟିକା ଆସିବା ପୂର୍ବରୁ ଏନେଇ ପ୍ରଶ୍ନ ଉଠୁଛି । ତେବେ ଏସମ୍ବନ୍ଧରେ ଆଶ୍ୱସ୍ତିକର ଖବର ଆସିବାରେ ଲାଗିଛି । ଭାରତ ବାୟୋଟେକ୍ ତା’ ଟିକାର ମୁଲ୍ୟ ୧୦୦ ଟଙ୍କାରୁ କମ ରହିବ ବୋଲି ଆଗରୁ କହି ସାରିଛି । ଏହା ଭିତରେ ସିରମ ଇନଷ୍ଟିଚ୍ୟୁଟ୍ ଦ୍ୱାରା ପ୍ରସ୍ତୁତ ଟିକାର ମୁଲ୍ୟ ବାବଦରେ ତଥ୍ୟ ସାମ୍ନାକୁ ଆସୁଛି । ଯଦି ମିଡିଆ ରିପୋର୍ଟକୁ ବିଶ୍ୱାସ କରାଯାଏ ତେବେ ସିରମ ଦ୍ୱାରା ତିଆରି ହେଉଥିବା ଟିକା ଆପଣଙ୍କୁ ମେଡିସିନ୍ କାଉଣ୍ଟରରେ ମାତ୍ର ୨୨୫ ଟଙ୍କାରେ ମିଳିବ ।
ଏହି ଟିକାର ନାମ ହେଉଛି କୋଭିସିଲ୍ଡ । ଯଦି ଭ୍ୟାକ୍ସିନ୍ ଶେଷ ପରୀକ୍ଷଣରେ ସଫଳ ହୁଏ ତେବେ ତାକୁ ବଜାରକୁ ଛଡା ଯିବ । ସିରମ ବର୍ତ୍ତମାନ ଅକ୍ସଫୋର୍ଡ ବିଶ୍ୱବିଦ୍ୟାଳୟ,ଏଷ୍ଟ୍ରାଜେନେକା ଓ ନୋଭାଭେକ୍ସର କ୍ୟାଣ୍ଡିଡେଟ୍ ତିଆରି କରୁଛି (ଭ୍ୟାକ୍ସିନକୁ ଭ୍ୟାକ୍ସିନ୍ ମାନ୍ୟତା ନମିଳିବା ପର୍ଯ୍ୟନ୍ତ ଏହାକୁ କ୍ୟାଣ୍ଡି଼ଡେଟ୍ କୁହାଯାଏ)
ସିରମର ଦୁଇଟି ବଡ ଚୁକ୍ତି
ସିରମ ଭ୍ୟାକ୍ସିନ୍ ତିଆରି କରିବା ପାଇଁ ଦ ଭ୍ୟାକ୍ସିନ୍ ଆଲାଏନ୍ସ (GAVI) ଓ ଦି ବିଲ୍ ଆଣ୍ଡ୍ ମିଲିଣ୍ଡା ଗେଟ୍ସ ଫାଉଣ୍ଡେସନ ସହ ବଡ ଡିଲ୍ କରିଛି । ଏହି ଡିଲ ଦ୍ୱାରା ସିରମର ଟିକା ତିଆରି କ୍ଷମତା ବଢିଯିବ । ଏହା ଅଧିକ ଟିକା ଉତ୍ପାଦନ କରିପାରିବ । କଂପାନୀ ଭାରତ ସହ କିଛି ନିମ୍ନ ଓ ମଧ୍ୟମ ଆୟ କରୁଥିବା ଦେଶଙ୍କ ପାଇଁ ଭ୍ୟାକ୍ସିନର ୧୦ କୋଟି ଡୋଜ୍ ତୁରନ୍ତ ଉପଲବ୍ଧ କରାଇବ । ଡିଲ୍ ପରେ ଗେଟସ୍ ଫାଉଣ୍ଡେସନ୍ ଗାଭିକୁ ୧୫ କୋଟି ଡଲାର ବା ୧୧୨୫ କୋଟି ଟଙ୍କା ଦେବ । ରିସ୍କ ଫଣ୍ଡିଂ ପାଇଁ ଏହି ଟଙ୍କା ଦିଆଯିବ । ଯଦି ଭ୍ୟାକ୍ସିନ୍ ଅନ୍ତିମ ଚରଣରେ ଅସଫଳ ହୁଏ ତେବେ ସେପର୍ଯ୍ୟନ୍ତ ଯାହା ଖର୍ଚ୍ଚ ହୋଇଥିବ ତାକୁ ଗାଭି ବହନ କରିବ । ଅର୍ଥାତ ଟିକା ଯଦି ତିଆରି ହୋଇ ନଷ୍ଟ ହେଲା ତେବେ କଂପାନୀର କ୍ଷତି ହେବ ନାହିଁ । ରିସ୍କ୍ ଫଣ୍ଡିଂ କ୍ରମରେ ଗାଭି ଏହି ଖର୍ଚ୍ଚ ଭାର ଉଠାଇବ ।
ଦାମ କେତେ ରହିବ ?
ଗରିବ ଓ ବିକାଶଶୀଳ ଦେଶଙ୍କୁ ଯେଉଁ ଭ୍ୟାକ୍ସିନ୍ ସିରିମ ସପ୍ଲାଏ କରିବା ତାର ମୁଲ୍ୟ ନିର୍ଧାରଣ କରାଯାଇଛି । କଂପାନୀ ଅନୁସାରେ ଏଭଳି ଦେଶରେ ଗୋଟିଏ ଡୋଜ ଭ୍ୟାକ୍ସିନର ଦାମ ହେବ ୩ ଡଲାର । ଭାରତୀୟ ମୁଦ୍ରାରେ ପ୍ରତି ଭ୍ୟାକ୍ସିନ ୨୨୫ ଟଙ୍କା ।
