ଅପେକ୍ଷାର ହେବ ଅନ୍ତ: ଆସନ୍ତା ସପ୍ତାହରେ ଦିଲ୍ଲୀରେ ପହଞ୍ଚିବ କରୋନା ଟିକା

ନୂଆଦିଲ୍ଲୀ: ଦେଶରେ ଦୀର୍ଘ ସମୟ ଧରି କରୋନା ଟିକାର ଅପେକ୍ଷା କରାଯାଉଛି। ତେବେ ଖୁବ୍ ଶୀଘ୍ର ଏହି ଅପେକ୍ଷାର ଅନ୍ତ ଘଟିବାକୁ ଯାଉଛି। ବିଶେଷ ସୂତ୍ର ମୁତାବକ ଆସନ୍ତା ସପ୍ତାହରେ ଜିଲ୍ଲାରେ ପହଞ୍ଚିବ କରୋନା ଟିକାର ପ୍ରଥମ ସ୍ଲଟ।

ସୂଚନା ଅନୁଯାୟୀ, ଦିଲ୍ଲୀର ରାଜୀବଗାନ୍ଧି ହସ୍ପିଟାଲରେ କରୋନା ଟିକାକୁ ରଖାଯିବାର ଯୋଜନା ରହିଛି। ଏଥିପାଇଁ କୋଲ୍ଡ ଷ୍ଟୋରେଜର ବ୍ୟବସ୍ଥା ମଧ୍ୟ କରାଯାଇଛି। ଟିକାକରଣର ପ୍ରଥମ ଚରଣରେ ସ୍ୱାସ୍ଥ୍ୟକର୍ମୀମାନଙ୍କୁ ଟିକା ଦେବାର ଯୋଜନା ରହିଛି। କରୋନା ଟିକାକରଣ କେନ୍ଦ୍ର ପାଇଁ ଦିଲ୍ଲୀରେ ଦୁଇଟି ଜାଗା ଚିହ୍ନଟ କରାଯାଇଛି।

ସେହିପରି ଟିକାର ସଂରକ୍ଷଣ ପାଇଁ ଦିଲ୍ଲୀ ସରକାର ୬୦୦ଟି ଶୀତଳ ଭଣ୍ଡାର ଚିହ୍ନଟ କରିଛନ୍ତି। ସୋମବାରରୁ ଟିକାକରଣରେ ସାମିଲ ହେବାକୁ ଥିବା ସ୍ୱାସ୍ଥ୍ୟକର୍ମୀଙ୍କୁ ଦିନିକିଆ ଟ୍ରେନିଂ ଦିଆଯାଉଛି। ରାଜୀବ ଗାନ୍ଧି ସୁପର ସ୍ପେଶାଲିଷ୍ଟ ହସ୍ପିଟାଲ, ଲୋକନାୟକ ହସ୍ପିଟାଲ, କସ୍ତୁରାବ ହସ୍ପିଟାଲ, ବାବାସାହେବ ଆମ୍ବେଦକର ହସ୍ପିଟାଲ, ଜିଟିବି ହସ୍ପିଟାଲ ଓ ମହଲ କ୍ଲିନିକଗୁଡ଼ିକୁ ଶୀତଳ ଭଣ୍ଡାର ଭାବେ ବ୍ୟବହାର କରିବାକୁ ନିଷ୍ପତ୍ତି ହୋଇଛି।

Leave a Reply