ଦେଶରେ ବଡ଼ିବାରେ ଲାଗିଛି କରୋନା ଆକ୍ରାନ୍ତଙ୍କ ସଂଖ୍ୟା, Covid-19ରେ ଗଲାଣି ୧୬ ଜୀବନ
1 min read
ନୂଆଦିଲ୍ଲୀ: ଦେଶରେ ବଢୁଛି କରୋନା ଆକ୍ରାନ୍ତଙ୍କ ସଂଖ୍ୟା । ଗୋଟିଏ ଦିନରେ ୮୯ଟି ନୂଆ ମାମଲା ସାମନାକୁ ଆସିଛି । ପୂରା ଦେଶରେ ଆକ୍ରାନ୍ତଙ୍କ ସଂଖ୍ୟା ୭୨୦ ଟପିଛି । ସେପଟେ Covid-19ରେ ୧୬ଜଣଙ୍କର ଜୀବନ ଯାଇଛି । ତେବେ ଚିନ୍ତା ବଢାଇଛି ମହାରାଷ୍ଟ୍ର ସ୍ଥିତି ।
ଏଯାଏଁ ରାଜ୍ୟରେ ୧୨୫ ଆକ୍ରାନ୍ତ ହୋଇଥିବା ବେଳେ ୩ ଜଣଙ୍କ ମୃତ୍ୟୁ ହୋଇଛି । ରୋଗର ଶୀକାର ଅଧିକାଂଶ ଯୁବବର୍ଗର ବୋଲି ଜଣାପଡିଛି । ୩୧ରୁ ୪୦ ବର୍ଷ ମଧ୍ୟରେ ସର୍ବାଧିକ ରୋଗୀ ଥିବା ଜଣାପଡିଛି । ସେହିପରି ରାଜ୍ୟର ସାଂଗଲି ଜିଲ୍ଲାର ଇସ୍ଲାମପୁର ଗାଁରେ ଗୋଟିଏ ପରିବାରର ୧୨ଜଣ ସଦସ୍ୟ କରୋନାରେ ସଂକ୍ରମିତ ହୋଇଥିବା ଜଣାପଡିଛି । ସେହିଭଳି ରାଜସ୍ଥାନ କେରଳରେ ମଧ୍ୟ ସ୍ଥିତି ଅସମ୍ଭାଳ ହେବାରେ ଲାଗିଛି।
