ବୃଦ୍ଧି ପାଉଛି ସଂକ୍ରମଣ, ପୁଣି ବଢ଼ିଲା କଟକରେ ସଟ୍ଡାଉନ୍ ଅବଧି
Corona Update: Shut Down Extends In Cuttack
କଟକ: କଟକରେ ବଢ଼ିଲା ସଟ୍ଡାଉନ୍ ଅବଧି । କରୋନା ସଂକ୍ରମଣ ବୃଦ୍ଧିକୁ ନଜରରେ ରଖି କଟକର ବିଭିନ୍ ଅଞ୍ଚଳକୁ ସମ୍ପୂର୍ଣ୍ଣ ସଟ୍ଡାଉନ୍ କରିବାକୁ ବାଧ୍ୟ ହୋଇଛି ପ୍ରଶାସନ ।
ସହରରେ କରୋନା ଅକ୍ରାନ୍ତଙ୍କ ସଂଖ୍ୟା ବୃଦ୍ଧି ପାଉଥିବାରୁ ଆସନ୍ତା ୧୦ ତାରିଖ ମଧ୍ୟରାତ୍ରୀ ପର୍ଯ୍ୟନ୍ତ ସଟ୍ଡାଉନ୍ ବଢାଯାଇଛି । ପୂର୍ବରୁ ସିଏମସି ପକ୍ଷରୁ ବୁଧବାର ଯାଏଁ ସଟଡାଉନ ଘୋଷଣା କରାଯାଇଥିଲା । ଏହାକୁ ଏବେ ୧୦ ତାରିଖ ମଧ୍ୟରାତ୍ରୀ ଯାଏଁ ବୃଦ୍ଧି କରାଯାଇଛି ।
ତେବେ ସଟଡାଉନ ବେଳେ ଅତ୍ୟାବଶ୍ୟକ ସାମଗ୍ରୀ ଦୋକାନ, ଔଷଧ, କ୍ଷୀର, ପନିପରିବା, ତେଜରାତି, ମାଛ, ମାଂସ ଦୋକାନ ଖୋଲାରହିବ । ସକାଳ ୫ ଟାରୁ ସନ୍ଧ୍ୟା ୬ଟାପର୍ଯ୍ୟନ୍ତ ଏସବୁ ଦୋକାନ ଖୋଲା ରହିବ ବୋଲି ସିଏମସି ପକ୍ଷରୁ ସୂଚନା ଦିଆଯାଇଛି । ସେପଟେ କଟକ ଜିଲ୍ଲାର ଜଣେ ବିଧାୟକ କରୋନା ଆକ୍ରାନ୍ତ ହୋଇଥିବା ମଧ୍ୟ ସୂଚନା ମିଳିଛି ।
