କରୋନା ଭୟରେ ପୋତା ହେଲା ଶବ, ସଂସ୍କାର ପାଇଁ ଆସିଲେନି ଜ୍ଞାତିକୁଟୁମ୍ୱ

କୋରୋନା ସ୍ଥିତି ଗଞ୍ଜାମ ଜିଲ୍ଲାରେ ଭୟଙ୍କର ରୂପ ଧାରଣ କରିଛି । ଏହାରି ଭିତରେ କବିସୂର୍ଯ୍ୟନଗର ଖରୁଡା ସାହିରେ ଘଟିଯାଇଛି ଏକ ଅଭାବନୀୟ ଘଟଣା । ଏହି ସାହିର ସୋମନାଥ ପାତ୍ର ନାମକ ଯୁବକ ଗଲା ଦଶ ଦିନ ହେବ ଜ୍ଵରରେ ପୀଡିତ ଥିଲେ । ତେବେ ତାଙ୍କୁ ଆଜି ମେଡିକାଲକୁ ଅ।ମ୍ବୁଲାନ୍ସ ଯୋଗେ ନିଆ  ଯାଉଥିଲା । ଦୁର୍ଭାଗ୍ୟବଶତଃ ଗାଡି ଭିତରେ ହିଁ ତାଙ୍କର ମୃତ୍ୟୁ ଘଟିବା ପରେ ଶବକୁ ତାଙ୍କ ସାହିକୁ ଫେରାଇ ଅଣା ଯାଇଥିଲା ।

ହେଲେ କେହି ବି ଶବ ପାଖ ମାଡି ନଥିଲେ କୋରୋନା ଭୟରେ । ଶେଷରେ ପୋଲିସ ପ୍ରଶାସନ ବାଧ୍ୟ ହୋଇ ଜେସିବି ମାଧ୍ୟମରେ ଧନେଇ ନଦୀ ତଟରେ ଶବକୁ ପୋତିଥିଲେ । ଏମିତି କି ତାଙ୍କ ସଂସ୍କାର ପାଇଁ ମଧ୍ୟ ସାହି କୁଟୁମ୍ବ କେହି ଅ।ସି ନଥିଲେ । ଏହି ଘଟଣା ଏବେ ସାରା ଅଂଚଳରେ ଚର୍ଚ୍ଚାର ବିଷୟ ହୋଇଛି । ତେବେ ଏହାର ଭି଼ଡିଓ ଚିତ୍ର ଏବେ ଭାଇରାଲ ହୋଇଥିବା ବେଳେ ଶବକୁ ନିଜ ଭାଇ ଭଉଣୀ ଝିକିଝିକି ନେବା ଦୃଶ୍ୟ ଅତି ହୃଦୟ ବିଦାରକ ପାଲଟିଛି ।