କରୋନା ଭାଇରସକୁ ନେଇ ରହିଛି ଏହି ଭୁଲ୍ ଧାରଣା… WHO ରଖିଲା ଏହି ଧାରଣାର ସତ୍ୟତା

କରୋନା ଭାଇରସ ଯୋଗୁଁ ସମଗ୍ର ଦୁନିଆରେ ୧୩୪,୬୭୯ ଲୋକେ ସଂକ୍ରମିତ ହୋଇସାରିଛନ୍ତି । ଏହି ରୋଗ ଯୋଗୁଁ ୪୯୭୩ ଲୋକଙ୍କର ମୃତ୍ୟୁ ହୋଇସାରିଛି । ଏମିତିରେ କରୋନାକୁ ନେଇ ଅନେକ ଗୁଜବ ବ୍ୟାପୁଛି। ଲୋକଙ୍କ ମନରେ ମଧ୍ୟ ଅନେକ ଧାରଣା ରହିଛି । ଯେମିତିକି ଗରମ ପାଣିରେ ସ୍ନାନ କଲେ କରୋନାଭାଇରସରୁ ମୁକ୍ତି ମିଳିବ ଓ ଥଣ୍ଡା ପାଣିରେ ସ୍ନାନ କଲେ କରୋନାଭାଇରସ ଛାଡିବନାହିଁ । ତେବେ ଏନେଇ ବିଶ୍ବ ସ୍ବାସ୍ଥ୍ୟ ସଂଘଠନ (WHO) ଲୋକଙ୍କ ମନରୁ ଏହି ଧାରଣା ଦୂର କରିବା ପାଇଁ କିଛି ନିର୍ଦ୍ଦେଶ ଦେଇଛନ୍ତି । ତେବେ ଏହି ନିର୍ଦ୍ଦେଶ ଗୁଡିକ କଣ ଜାଣନ୍ତୁ ।

୧- କରୋନା ଗରମ ପରିବେଶରେ ବ୍ୟାପିଥାଏ…

କରୋନାଭାଇରସ କୌଣସି ପ୍ରକାର ପରିବେଶରେ ବ୍ୟାପିପାରେ । WHO ରିପୋର୍ଟ ଅନୁସାରେ ପରିବେଶରେ ଧ୍ୟାନ ନଦେଇ ଲୋକେ କେମିତି ସୁରକ୍ଷିତ ରହିବେ ସେହି ବିଷୟରେ ଧ୍ୟାନ ଦେବା ଜରୁରୀ । କାରଣ ଏହି ଭାଇରସ ଯେକୌଣସି ପରିବେଶରେ ସଂକ୍ରମିତ ହୋଇପାରେ ।

୨- ଥଣ୍ଡା ପରିବେଶ ଓ ବରଫରେ କରୋନା ମରେ ନାହିଁ…

ଭାଇରସ ଯେକୌଣସି ତାପମାତ୍ରାରେ ମରିପାରେ । ଏହା ଜରୁରୀ ନୁହେଁ ଯେ, କରୋନା ଥଣ୍ଡା ଓ ବରଫରେ ମରିବ ନାହିଁ । ସାଧାରଣତଃ ମଣିଷ ଶରୀରର ତାପମାତ୍ରା ୩୬.୫ରୁ ୩୭ ଡିଗ୍ରି ସେଲସିଅସ୍ ରହେ । ଏହି ତାପମାତ୍ରା ବାହାର ପରିବେଶରୁ ଅଧିକ ପ୍ରଭାବିତ ହୁଏ ନାହିଁ ।

୩- ଗରମ ପାଣିରେ ଗାଧୋଇଲେ କରୋନା ବ୍ୟାପେନାହିଁ

କୋବିଡ୍ ୧୯ ତଥା କରୋନା ଭାଇରସ ଗରମ ପାଣିରେ ମଧ୍ୟ ଜିବୀତ ରହେ । ସ୍ନାନ କରିବା ସମୟରେ ଶରୀରର ତାପମାତ୍ରା ୩୬.୫ରୁ ୩୭ ଡିଗ୍ରୀ ମଧ୍ୟରେ ରହେ । ତେଣୁ ଗାଧୋଇବା ସମୟରେ ପାଣି ଅଧିକ ଗରମ ରହିଲେ ତାହା ସ୍ବାସ୍ଥ୍ୟ ପାଇଁ କ୍ଷତିକାରକ ହୋଇପାରେ ।

୪- ମଶାରୁ କରୋନାଭାଇରସ ବ୍ୟାପେ ନାହିଁ

ଏଯାଏଁ WHOରୁ କୌଣସି ରିପୋର୍ଟ ଆସିନାହିଁ ଯେ, ମଶାରୁ କରୋନା ବ୍ୟାପେ । କରୋନାଭାଇରସ ପାଣି ପବନରୁ ବ୍ୟାପିଥାଏ । ମଣିଷ କାସିଲେ ବା ଛିଙ୍କିଲେ ମଧ୍ୟ ଏହି ଭାଇରସ ବ୍ୟାପିଥାଏ । ଏଥିପାଇଁ ଏହି ରୋଗରୁ ବଞ୍ଚିବା ପାଇଁ ମାସ୍କ ପିନ୍ଧିବା ଆବଶ୍ୟକ । ଏହା ସହ ହାତ ସଫା ରଖିବା ଜରୁରୀ ।

୫- ହ୍ୟାଣ୍ଡ ଡ୍ରାୟର୍ସରୁ କରୋନା ଭାଇରସ ମରେ

WHO ରିପୋର୍ଟ ଅନୁସାରେ କରୋନାଭାଇରସ ହ୍ୟାଣ୍ଡ ଡ୍ରାୟର୍ସରୁ ମରନ୍ତି ନାହିଁ । ହ୍ୟାଣ୍ଡ ଡ୍ରାୟର୍ସ ଦ୍ବାରା କେବଳ ହାତ ସୁଖେ । ଏହା ବ୍ୟତୀତ ଅନ୍ୟାନ୍ୟ ତଥ୍ୟ ଗୁଜବ ବୋଲି ଜାରି କରିଛି ବିଶ୍ବ ସ୍ବାସ୍ଥ୍ୟ ସଂଘଠନ । ଏହା ସହ ବ୍ୟାକଟେରିଆ ବା ଭାଇରସରୁ ଦୂରାଇ ରହିବା ପାଇଁ ସାନିଟାଇଜର ବ୍ୟବହାର କରିବା ଜରୁରୀ ।

୬- ଅଲଟ୍ରାଭାୟଲେଟ୍ ଲ୍ୟାମ୍ପରୁ କରୋନା ମରେ

ଅଲଟ୍ରାଭାୟଲେଟ୍ ଲ୍ୟାମ୍ପ ଶରୀର ସାମ୍ନାରେ ବ୍ୟବହାର କରିବା ଅନୁଚିତ୍ । ଏହି ଲ୍ୟାମ୍ପ ଦ୍ବାରା ସ୍କିନ୍ ଓ ତ୍ବଚା ଉପରେ ଖରାପ ପ୍ରଭାବ ପଡିପାରେ । ଏହା ଦ୍ବାରା ରିଆଏକ୍ସନ ମଧ୍ୟ ହୋଇପାରେ ।

୭- ଆଲକୋହଲ ବା କ୍ଲୋରିନ୍ ଦ୍ୱାରା କରୋନା ମରିପାରେ

ଏହା ଏକ ଗୁଜବ ଯେ, ଆଲକୋହଲ ବା କ୍ଲୋରିନ୍ ଦ୍ବାରା କରୋନା ମରିବ । କରୋନା ଭାଇରସ ଶରୀରକୁ ଯିବା ପରେ ଏହା କେବଳ ମେଡିସିନ୍ ଦ୍ବାରା ଠିକ୍ ହେବ । ଏହା ବ୍ୟତୀତ କରୋନା ଭାଇରସ କୌଣସି ଉପାୟରେ ଛାଡିବ ନାହିଁ ।

୮- ନିମୋନିଆ ଭ୍ୟାକ୍ସିନ୍ ଦ୍ବାରା କରୋନାରୁ ମୁକ୍ତି ମିଳିବ

ନିମୋନିଆ ଭ୍ୟାକ୍ସିନ୍ ଦ୍ବାରା କରୋନାର ଚିକିତ୍ସା ହୁଏ ନାହିଁ । ଭ୍ୟାକ୍ସିନ୍ ରେ କରୋନାରୁ ମୁକ୍ତି ମିଳେନାହିଁ । କରୋନା ଭାଇରସ ସମ୍ପୂର୍ଣ ଅଲଗା । ଏଯାଏଁ ଏହି ରୋଗରୁ ମୁକ୍ତି ମିଳିବା ପାଇଁ ଏହାର ଔଷଧୀୟ ଉପାୟ ବାହାରି ନାହିଁ ।