ଘରୁ ବାହାରିଲେ କରୋନା ପଜିଟିଭ, କୂଅକୁ ଡେଇଁ ବଡ଼ବାପାଙ୍କ ଆତ୍ମହତ୍ୟା
ବଲାଙ୍ଗିର: ହୋମ୍ କ୍ୱାରେଣ୍ଟାଇନରୁ ଆତ୍ମହତ୍ୟା । କରୋନା ହେବା ଭୟରେ କୂଅକୁ ଡେଇଁ ଆତ୍ମହତ୍ୟା କରିଛନ୍ତି ଜଣେ ବ୍ୟକ୍ତି । ଏଭଳି ଏକ ଅଘଟଣା ଘଟିଛି ବଲାଙ୍ଗିର ଜିଲ୍ଲା ଲିଖିରିଆ ଗାଁରେ । ଆତ୍ମହତ୍ୟା କରିଥିବା ବ୍ୟକ୍ତି ହେଉଛନ୍ତି କରୋନା ପଜିଟିଭ ଆସିଥିବା ଯୁବକଙ୍କର ବଡବାପା । ତାଙ୍କର ନାମ ହେଉଛି ଶେଷଦେବ ଭୋଇ ତାଙ୍କର ବୟଷ ୫୪ ବର୍ଷ । ଘଟଣା ସ୍ଥଳରେ ଏସଡିପିଓ ଶ୍ରୀମନ୍ତ ବାରିକ ପହଞ୍ଚି ଘଟଣାର ତଦନ୍ତ ଆରମ୍ବ କରିଛନ୍ତି । ଅଗ୍ନିସମ ବାହିନୀ ପହଞ୍ଚି କୂଅରୁ ମୃତଦେହକୁ ଉଦ୍ଧାର କରିଛି ।
ଜିଲ୍ଲାରେ ସଂକ୍ରମିତଙ୍କ ସଂଖ୍ୟା ୫୪କୁ ବୃଦ୍ଧି, ରାଜ୍ୟରେ ମୋଟ ୧୭୯ ସଂକ୍ରମିତ
ସୂଚନା ଅନୂଯାୟୀ, ଲିଖିରିଆ ଗାଁରେ ଗତ ୧ତାରିଖରେ ତାମିଲନାଡୁ ଫେରନ୍ତା ଦୁଇ ଜଣ ଯୁବକ କରୋନା ପଜେଟିଭ ଚିହ୍ନଟ ହୋଇଥିଲେ । ସେମାନଙ୍କ ମଧ୍ୟରୁ ଆତ୍ମହତ୍ୟା କରିଥିବା ବ୍ୟକ୍ତି ହେଉଛନ୍ତି ଜଣଙ୍କର ବଢ଼ବାପା । ସେଥିପାଇଁ ତାଙ୍କୁ ହୋମ କ୍ୱାରେଣ୍ଟାଇନରେ ରଖାଯାଇଥିଲା । କ୍ୱାରେଣ୍ଟାଇନରେ ଥିବାବେଳେ ତାଙ୍କର ମାନସିକ ସନ୍ତୁଳନ ଠିକ୍ ରହୁନଥିଲା । ଯାହାପାଇଁ ସେ ଗତକାଲି ବିଳମ୍ବିତ ରାତିରେ ଘରପାଖ ଏକ କୂଅକୁ ଡ଼େଇଁ ଆତ୍ମହତ୍ୟା କରିଛନ୍ତି ।
