କରୋନା ରୋଗୀ ମୋବାଇଲ ବ୍ୟବହାର କରିବେ ନାହିଁ: ମେଡିକାଲ ଡିଜି
1 min read
ଉତ୍ତରପ୍ରଦେଶ: କରୋନା ଆକ୍ରାନ୍ତଙ୍କୁ ମୋବାଇଲ ମନା । ୟୁପିର ମେଡିକାଲ୍ ଡିଜି କେ.କେ ଗୁପ୍ତା ଏଭଳି ନିର୍ଦ୍ଦେଶନାମା ଜାରି କରିଛନ୍ତି । ସେ କହିଛନ୍ତି, କରୋନା ଆକ୍ରାନ୍ତମାନେ ମେଡିକାଲ ଭିତରେ ମୋବାଇଲ୍ ବ୍ୟବହାର କରିପାରବେ ନାହିଁ । ରାଜ୍ୟର ସବୁ ମେଡିକାଲ ଏବଂ ମେଡିକାଲ କଲେଜଗୁଡ଼ିକୁ ସେ ଏଭଳି ଏକ ଚିଠି ଲେଖିଛନ୍ତି । ଏହି ମେଡିକାଲ ଡିଜି କେକେ ଗୁପ୍ତା ହେଉଛନ୍ତି, ସେହି ଡାକ୍ତର ଯିଏ କି PPE କିଟ୍ରେ ସମସ୍ୟା ଥିବା କଥା ଅଭିଯୋଗ କରିଥିଲେ । ଏହି ଅଭିଯୋଗ ପରେ ପିପିଇ କିଟ୍ ବ୍ୟବହାର ଉପରେ ରୋକ ଲାଗିଥିଲା ।
ଏହି ନିର୍ଦ୍ଦେଶ ପରେ କୋଭିଡ୍ ହସ୍ପିଟାଲ ଗୁଡ଼ିକରେ କରୋନା ଆକ୍ରାନ୍ତଙ୍କ ପାଇଁ ମୋବାଇଲ ବ୍ୟବହାର ସମ୍ପୂର୍ଣ୍ଣ ବାରଣ କରାଯାଇଛି । ଡିଜିଙ୍କ ଅନୁଯାୟୀ, ମୋବାଇଲ ଯୋଗୁଁ କରୋନା ସଂକ୍ରମଣ ଅଧିକ ମାତ୍ରାରେ ବ୍ୟାପିଥାଏ । ତେବେ ମେଡିକାଲ ଗୁଡ଼ିକରେ ନୂତନ ବ୍ୟବସ୍ଥା ଅନୁଯାୟୀ ଓ୍ୱାର୍ଡ ଇନ୍ଚାର୍ଜଙ୍କ ପାଖରେ ଦୁଇ ମୋବାଇଲ ଫୋନ୍ ରହିବ । ସେହି ମୋବାଇଲ ମାଧ୍ୟମରେ ରୋଗୀମାନେ ନିଜ ପରିଜନଙ୍କ ସହ ଆବଶ୍ୟକ ଥିଲେ କଥା ହେବ ।
ୱାର୍ଡ ଇନଚାର୍ଜ ନିକଟରେ ରଖାଯାଇଥିବା ସେହି ଦୁଇଟି ଫୋନ୍ ନମ୍ବର ରୋଗୀଙ୍କ ପରିବାର ଏବଂ ସ୍ୱାସ୍ଥ୍ୟ ନିର୍ଦ୍ଦେଶାଳୟକୁ ଉପଲବ୍ଧ କରାଯିବା ।
