କଟକରୁ ଜଣେ, ବାଲେଶ୍ୱରରୁ ଆଉ ୨ ଜଣ କରୋନା ସଂକ୍ରମିତ ଚିହ୍ନଟ

ଭୁବନେଶ୍ୱର: କରୋନା ଚିନ୍ତାରେ ଘାଣ୍ଟି ହେଉଛି ପୁରା ରାଜ୍ୟ। ଦିନକୁ ଦିନ ବଢ଼ିବାରେ ଲାଗିଛି କରୋନା ସଂକ୍ରମିତଙ୍କ ସଂଖ୍ୟା । ଫେରନ୍ତାଙ୍କ ପାଇଁ ବଢ଼ିବାରେ ଲାଗିଛି ସମସ୍ୟା । ରାଜ୍ୟରେ ଆଉ ୩ କରୋନା ପଜିଟିଭ ଚିହ୍ନଟ ହୋଇଛି । ନୂଆ ଆକ୍ରାନ୍ତ ହେଉଛନ୍ତି ବାଲେଶ୍ୱର ଏବଂ କଟକ ଜିଲ୍ଲା ତିଗିରିଆ ଅଞ୍ଚଳର ।

ବାଲେଶ୍ୱରରୁ ୨ ଜଣ ପଜିଟିଭ ଚିହ୍ନଟ ହୋଇଥିବା ବେଳେ କଟକରୁ ଜଣେ ପଜିଟିଭ ଚିହ୍ନଟ ହୋଇଛନ୍ତି । ଏହାରି ଭିତରେ ବାଲେଶ୍ୱରରେ ପଜିଟିଭଙ୍କ ସଂଖ୍ୟା ୨୩କୁ ବୃଦ୍ଧି ହୋଇଛି ଥିବା ବେଳେ କଟକରେ ୨କୁ ବୃଦ୍ଧି ହୋଇଛି । କଟକ ପୂର୍ବରୁ ଗ୍ରିନ୍ ଜୋନରେ ରହିଥିଲା । ରାଜ୍ୟରେ କରୋନା ସଂକ୍ରମିତଙ୍କ ସଂଖ୍ୟା ୧୭୩କୁ ବୃଦ୍ଧି ହୋଇଛି । ସୁସ୍ଥଙ୍କ ସଂଖ୍ୟା ୬୦ ହୋଇଥିବା ବେଳେ ଏବେ ସକ୍ରିୟ ରାଜ୍ୟ ମଧ୍ୟରେ ୧୧୨ ରହିଛନ୍ତି ।