ରାଜ୍ୟର କରୋନା ଗ୍ରାଫ୍, ଜାଣନ୍ତୁ କେଉଁ ବର୍ଗ ହେଉଛନ୍ତି ଅଧିକ ସଂକ୍ରମିତ…
ଭୁବନେଶ୍ୱର: ଓଡ଼ିଶାରେ କରୋନା ସଂକ୍ରମିତଙ୍କ ସଂଖ୍ୟା ୧୮୫କୁ ବୃଦ୍ଧି ପାଇଛି । ସର୍ବାଧିକ ୫୫ ଜଣ ଆକ୍ରାନ୍ତ ଯାଜପୁର ଜିଲ୍ଲାରେ ଚିହ୍ନଟ ହୋଇଥିବା ବେଳେ ଦ୍ୱିତୀୟରେ ୪୭ ଆକ୍ରାନ୍ତଙ୍କ ସହ ରହିଛି ଖୋର୍ଦ୍ଧା ଜିଲ୍ଲା । ୨୫ ଆକ୍ରାନ୍ତଙ୍କ ସହ ତୃତୀୟରେ ବାଲେଶ୍ୱର ଥିବାବେଳେ ୨୧ ଆକ୍ରାନ୍ତଙ୍କ ସହ ଚତୁର୍ଥରେ ରହିଛି ଭଦ୍ରକ ଜିଲ୍ଲା । ସେହିଭଳି ୧୨ ଆକ୍ରାନ୍ତଙ୍କ ସହ ପଞ୍ଚମ ସ୍ଥାନରେ ରହିଛି ସୁନ୍ଦରଗଡ଼ ।
ରାଜ୍ୟରେ ମୋଟ୍ ୧୮୫ ଜଣ ସଂକ୍ରମିତ ଚିହ୍ନଟ ହୋଇଛନ୍ତି । ଆକ୍ରାନ୍ତଙ୍କ ମଧ୍ୟରେ ୧୩୫ ଜଣ ପୁରୁଷ ରହିଥିବା ବେଳେ ୫୦ ଜଣ ମହିଳା ଅଛନ୍ତି । ଆକ୍ରାନ୍ତଙ୍କ ମଧ୍ୟରୁ ଶତକଡ଼ା ୭୩ ପ୍ରତିଶତ ପୁରୁଷ ଥିବାବେଳେ ୨୭ ପ୍ରତିଶତ ମହିଳା ରହିଛନ୍ତି ।
ସେହିଭଳି ଆକ୍ରାନ୍ତଙ୍କ ମଧ୍ୟରେ ଡେଞ୍ଜର ଜୋନରେ ଅଛନ୍ତି ଯୁବବର୍ଗ । ରାଜ୍ୟର ମୋଟ ସଂକ୍ରମିତଙ୍କ ଅଧା ହେଉଛନ୍ତି ଏହି ବର୍ଗର । ୪୯.୨ ପ୍ରତିଶତ ସଂକ୍ରମିତ ୧୫ରୁ ୪୦ ବର୍ଷୀୟ । ୩୧.୯ ପ୍ରତିଶତ ସଂକ୍ରମିତଙ୍କ ବୟସ ୪୧ରୁ ୬୦ ବର୍ଷ । ୧୧.୯ ପ୍ରତିଶତ ସଂକ୍ରମିତଙ୍କ ବୟସ ୬୦ ବର୍ଷରୁ ଅଧିକ । ସେହିଭଳି ୭ ପ୍ରତିଶତ ସଂକ୍ରମିତଙ୍କ ବୟସ ଜନ୍ମରୁ ୧୪ ବର୍ଷ ।
ଜଗତସିଂହପୁର ଜିଲ୍ଲାରେ ଜାରି ହେଲା କର୍ଫ୍ୟୁ, ଘରୁ ବାହାରିଲେ କାର୍ଯ୍ୟାନୁଷ୍ଠାନ
