ଜିଲ୍ଲାରେ ସଂକ୍ରମିତଙ୍କ ସଂଖ୍ୟା ବଢୁଥିବାରୁ ଏମିତି ନିଷ୍ପତ୍ତି ନେଲେ ଜିଲ୍ଲାପାଳ

ପୁରୀ: ପୁରୀ ଜିଲ୍ଲାରେ ବଢ଼ିଲା କରୋନା କଟକଣା ସମୟ । କରୋନା ପାଇଁ ପୁରୀ ଜିଲ୍ଲାରେ କୌଣସି ବିବାହ, ବ୍ରତ, ସାଂସ୍କୃତିକ ଓ ଧାର୍ମିକ କାର୍ଯ୍ୟକ୍ରମ ଏବଂ ଶୋଭାଯାତ୍ରା କରାଯାଇପାରିବ ନାହିଁ ବୋଲି ପୂର୍ବରୁ କଟକଣା ଲାଗୁ ହୋଇଥିଲା  । ତାହାକୁ ଆଗାମୀ ଡିସେମ୍ବର ୧୮ତାରିଖ ପର୍ଯ୍ୟନ୍ତ ବୃଦ୍ଧି କରାଯାଇଛି  । ପୋଲିସ ଆକ୍ଟର ୩୦ଧାରା ଅନୁସାରେ ଶୋଭାଯାତ୍ରା ପାଇଁ ଅନୁମତି ନେବା ଆଵଶ୍ୟକ  । କିନ୍ତୁ କରୋନା ସଂକ୍ରମଣକୁ ନଜରରେ ରଖି କୌଣସି ଅନୁମତି ଦିଆଯାଉନାହିଁ  । ସେହି କଟକଣାକୁ ଆଗାମୀ ଡିସେମ୍ବର ୧୮ ତାରିଖ ପର୍ଯ୍ୟନ୍ତ ବୃଦ୍ଧି କରାଯାଇଛି  । ଜିଲ୍ଲା ସୂଚନା ଓ ଲୋକସମ୍ପର୍କ ଅଧିକାରୀ ଏହି ସୂଚନା ଦେଇଛନ୍ତି ।

ରଜ୍ୟରେ କରୋନା ଆକ୍ରନ୍ତ ସଂଖ୍ୟା ୨ଲକ୍ଷ ପାର୍ ହୋଇଥିବା ବେଳେ ତତ୍ପର ହୋଇ ପଡ଼ଛନ୍ତି ସରକାର ଏବଂ ବିଭିନ୍ନ ଜିଲ୍ଲାର ଜିଲ୍ଲାପାଳ । ଜିଲ୍ଲାପାଳଙ୍କ ଦାୟିତ୍ୱରେ ଥିବା ଜିଲ୍ଲାଗୁଡ଼ିକରେ କିପରି ସଂକ୍ରମଣକୁ ନିୟନ୍ତ୍ରଣକୁ ଅଣାଯାଇ ପାରିବ ସେନେଇ ଅଣ୍ଟାଭିଡ଼ିଛନ୍ତି ଜିଲ୍ଲାପାଳ । ତେଣୁ ପୁରୀକୁ କଟକଣା ଭିତରୁ ଟାଣି ଆଣିଛନ୍ତି ଜିଲ୍ଲାପାଳ । ଜିଲ୍ଲାରେ ସମୁଦାୟ ୯ହଜାର ୭ଶହ ୪ଜଣ ସଂକ୍ରମିତ ହୋଇଥିବା ବେଳେ ୭ହଜାର ୮ଶହ ୨୪ଜଣ ସୁସ୍ଥ ହୋଇଛନ୍ତି ଏବଂ ୫୨ଜଣ ଆକ୍ରାନ୍ତଙ୍କ ମୃତ୍ୟୁ ହୋଇଛି ।