ସଂକ୍ରମଣ ଭୟରେ ବୁର୍ଲା ଥାନାରେ ତାଲା, ଅସ୍ଥାୟୀ କ୍ୟାମ୍ପରେ ଚାଲିଛି ଥାନା…

ବୁର୍ଲା : ସଂକ୍ରମଣ ଭୟରେ ବୁର୍ଲା ଥାନାକୁ ବନ୍ଦ କରାଯାଇଛି । ଦୁଇ ଦିନ ତଳେ ବୁର୍ଲା ଭିମସାର ଫାଣ୍ଡିର ଅଧିକାରୀ ପଜିଟିଭ୍ ଚିହ୍ନଟ ହୋଇଥିଲେ । ଏହାପରେ ପ୍ରଶାସନ ଫାଣ୍ଡିକୁ ସାମୟିକ ସମୟ ପାଇଁ ବନ୍ଦ କରିଥିଲା । ଫାଣ୍ଡିର କର୍ମଚାରୀମାନଙ୍କୁ କ୍ୱାରେଣ୍ଟାଇନରେ ରଖାଯାଇଥିଲା । କର୍ମଚାରୀଙ୍କ କଣ୍ଟାକ୍ଟ ଟ୍ରେସିଂ ପରେ ବୁର୍ଲା ଥାନାକୁ ବନ୍ଦ କରାଯାଇଛି ।

ଫାଣ୍ଡି କର୍ମଚାରୀମାନେ ଅନେକ ସମୟରେ ଥାନାକୁ ଯାତାୟାତ କରୁଥିଲେ । ତେବେ ଥାନାର କର୍ମଚାରୀମାନଙ୍କୁ ମଧ୍ୟ କ୍ୱାରେଣ୍ଟାଇନ୍ କରାଯାଇଥିବା ସୂଚନା ମିଳିଛି । ଥାନା ବନ୍ଦ ହେବା ପରେ ଏବେ କାମଚଳା ଅସ୍ଥାୟୀ କ୍ୟାମ୍ପ ତିଆରି ହୋଇଛି । ଥାନାର ଯାବତୀୟ କାମ ସେଇଠି ହେଉଛି ।