ଶିଶୁଙ୍କୁ କାହିଁକି ହେଉନି କରୋନା ? କାରଣ କ’ଣ..?
ନୂଆଦିଲ୍ଲୀ: ଶିଶୁଙ୍କୁ କାହିଁକି ହେଉନି କରୋନା ? ଯୁବ ଓ ପ୍ରାପ୍ତ ବୟସ୍କ ଅଧିକ କରୋନା ସଂକ୍ରମିତ ହେଉଥିବା ବେଳେ ବହୁତ କମ୍ ଶିଶୁ କରୋନା ସଂକ୍ରମିତ ହେଉଛନ୍ତି । ଏହା ପଛର କାରଣ ଖୋଜି ବାହାର କରିଛନ୍ତି ଆମେରିକାର ବୈଜ୍ଞାନିକ । ଏହି ଗବେଷଣାରେ ସେମାନଙ୍କୁ ସାହାଯ୍ୟ କରିଛନ୍ତି ଆମେରିକାର ଭନ୍ଦେରବିଲ୍ଟ ୟୁନିଭରସିଟି ମେଡିକାଲ ସେଣ୍ଟର ।
ବୈଜ୍ଞାନିକଙ୍କ କହିବା କଥା ଶିଶୁଙ୍କ ପାଖରେ ରିସେପ୍ଟର ପ୍ରୋଟିନ ବହୁତ କମ୍ ରହିଛି । ଫଳରେ ସେମାନେ ଏତେ ସହଜରେ କରୋନା ସଂକ୍ରମିତ ହେଉନାହାନ୍ତି । ଏହି ରିସେପ୍ଟର ପ୍ରୋଟିନ ସାହାଯ୍ୟରେ କରୋନା ମଣିଷର ଫୁସଫୁସକୁ ସଂକ୍ରମଣ କରିଥାଏ । ଶିଶୁଙ୍କ ଶରୀରରେ ଏହି ପ୍ରୋଟିନ କମ୍ ଥିବାରୁ ସେମାନେ ଏତେ ସହଜରେ କରୋନା ସଂକ୍ରମିତ ହୁଅନ୍ତି ନାହିଁ ।
ଏଥିସହ ବିଶେଷଜ୍ଞ ମାନେ ଚିକିତ୍ସିତ ହେଉଥିବା କରୋନା ରୋଗୀଙ୍କର ଏହି ପ୍ରୋଟିନକୁ ବନ୍ଦ କରି ଚିକିତ୍ସା କରିବାକୁ ପରାମର୍ଶ ଦେଇଛନ୍ତି । ଯେଉଁ ଶିଶୁମାନେ କରୋନା ସଂକ୍ରମଣ ଚିହ୍ନଟ ହୋଇଛନ୍ତି ସେମାନେ ଅନ୍ୟ କୌଣସି ରୋଗରେ ପୀଡିତ ଥାଆନ୍ତି ବୋଲି ବିଶେଷଜ୍ଞ ମାନେ କହିଛନ୍ତି । ଖାଲି ସେତିକି ନୁହେଁ ଯେଉଁ ଶିଶୁମାନେ କରୋନା ସଂକ୍ରମିତ ହେଉଛନ୍ତି ସେମାନଙ୍କ ଫୁସଫୁସର କାର୍ଯ୍ୟ କ୍ଷମତାକୁ ନେଇ ମଧ୍ୟ ଗବେଷଣା କରାଯାଉଛି । ଆଗକୁ ଏହା ବୟସ୍କ ବ୍ୟକ୍ତିଙ୍କ ଫୁସଫୁସ ସହ ତୁଳନା କରାଯାଇ ଚିକିତ୍ସା ପଦ୍ଧତି ବାହାର କରାଯିବ ବୋଲି ଜଣାପଡିଛି ।
