କୋଭିଡ ବୁଷ୍ଟର ଡୋଜ ଲାଗି ବାୟୋଲୋଜିକାଲ-ଇ’ର କୋର୍ବେଭାକ୍ସକୁ ଅନୁମତି

1 min read

ନୂଆଦିଲ୍ଲୀ: କୋଭିଡ ମୁକାବିଲାରେ ଆଉ ଏକ ଗୁରୁତ୍ୱପୂର୍ଣ୍ଣ ପଦକ୍ଷେପ । କୋଭିଡ ବୁଷ୍ଟର ଡୋଜ ଲାଗି କୋର୍ବେଭାକ୍ସକୁ ମିଳିଲା ଅନୁମତି । ବାୟୋଲୋଜିକାଲ-Eର ଟିକା କୋର୍ବେଭାକ୍ସ ଏଣିକି ବୁଷ୍ଟର ଡୋଜ ଭାବେ ବ୍ୟବହାର କରାଯାଇପାରିବ । କୋଭାକ୍ସିନ ଓ କୋଭିସିଲ୍ଡ ନେଇଥିବା ବ୍ୟକ୍ତି ନେଇପାରିବେ କର୍ବେଭାକ୍ସ । ୧୮ ବର୍ଷରୁ ଅଧିକ ବୟସ୍କ କୋର୍ବେଭାକ୍ସକୁ ବୁଷ୍ଟର ଡୋଜ ଭାବେ ନେଇପାରିବେ ବୋଲି କୁହାଯାଇଛି ।

ଜଣେ ବ୍ୟକ୍ତି ଯେଉଁ ଟିକା ନେଇଥିବେ ତାହାର ସମ୍ପୂର୍ଣ୍ଣ ଭିନ୍ନ ଟିକା ଭାବେ ପ୍ରଥମ ଥର ଲାଗି କୋର୍ବେଭାକ୍ସକୁ ଅନୁମତି ଦିଆଯାଇଛି । ବର୍ତ୍ତମାନ ଦେଶରେ ଟିକାକରଣ ପ୍ରକ୍ରିୟାରେ ୧୨ରୁ ୧୪ ବର୍ଷ ବୟସ୍କଙ୍କ କ୍ଷେତ୍ରରେ ପ୍ରଥମ ସ୍ୱଦେଶୀ ଟିକା କୋର୍ବେଭାକ୍ସକୁ ବ୍ୟବହାର କରାଯାଉଛି । ଗତ ଜୁଲାଇ ୨୦ ତାରିଖରେ କୋଭିଡ କାର୍ଯ୍ୟକାରୀ ଗୋଷ୍ଠୀ ବୈଠକରେ କୋର୍ବେଭାକ୍ସର ଫେଜ-୩ କ୍ଲିନିକାଲ ଗବେଷଣାର ସମୀକ୍ଷା କରାଯାଇଥିଲା ।