କେଉଁଠି ପଡିଛି ଶ୍ରଦ୍ଧାର ଖଣ୍‌ଡବିଖଣ୍ଡିତ ଶରୀର, ଖୋଜୁଛି ପୋଲିସ

ନୂଆଦିଲ୍ଲୀ: ଶ୍ରଦ୍ଧା ହତ୍ୟା ମାମଲାରେ ଜୋରଦାର ଛାନଭିନ୍ନ ଚଳାଇଛି ପୋଲିସ। ଏଭଳି ସମୟରେ ଆସନ୍ତାକାଲି ହେବ ପ୍ରେମିକ ଅଫତାବର ନାର୍କୋ ଟେଷ୍ଟ। ଏପଟେ ଅଫତାବକୁ ନେଇ ପୋଲିସ ସିନ୍ ରିକ୍ରିଏସନ୍ ସହ ଶ୍ରଦ୍ଧାର ଖଣ୍ଡବିଖଣ୍‌ଡିତ ଶରୀର କେଉଁଠି ପଡିଛି ସେନେଇ ତଦନ୍ତ କରୁଛି।

ଛତରପୁର ଇନକ୍ଲେଭ ସ୍ଥିତ ଏକ ପୋଖରୀରେ ଶ୍ରଦ୍ଧାର ମୁଣ୍‌ଡ ପଡିଥିବା ସୂଚନା ପାଇଛି ଦିଲ୍ଲୀ ପୋଲିସ । ଯାହା ପରେ ଅନେକ ଟିମ୍ ଓ ମେସିନ୍ ସହ ପୋଖରୀ ଖାଲି କରିବାରେ ଲାଗିଛି ପୋଲିସ।

ସୂଚନାଯୋଗ୍ୟ, ଅଫତାବ ପ୍ରେମିକା ଶ୍ରଦ୍ଧାକୁ ହତ୍ୟା ପରେ ୩୫ ଖଣ୍‌ଡ କରିଦେଇଥିଲା। ପରେ ଶବକୁ ଫ୍ରିଜରେ ରଖିବା ସହ ପ୍ରତିଦିନ ଗୋଟିଏ ଗୋଟିଏ କରି ଫୋପାଡୁଥିଲା । ହେଲେ ଏବେ ପୋଲିସ ପାଖରେ ବଡ଼ ପ୍ରଶ୍ନ ଅଫତାବ ଶ୍ରଦ୍ଧାର ମୁଣ୍ଡ, ହତ୍ୟାରେ ବ୍ୟବହୃତ ଧାରୁଆ ଅସ୍ତ୍ର ଏବଂ କପଡା କେଉଁଠି ଫୋପାଡିଛି ।

ତେବେ ଦିଲ୍ଲୀ ପୋଲିସକୁ ପାଖାପାଖି ୧୭ଟି ହାଡଖଣ୍ଡ ମିଳିପାରିଛି। ଯାହାକୁ ଯାଞ୍ଚ ପାଇଁ ପଠାଯାଇଛି। ଫରେନସିକ୍ ଏକ୍ସପର୍ଟଙ୍କ କହିବାନୁଯାୟୀ, ହାଡ଼ଖଣ୍ଡ ମଧ୍ୟରେ ଥାଇବୋନ୍ ରହିଛି । ଏଥିବ୍ୟତୀତ ରେଡିୟସ୍ ଉଲନା, ନି-କେପ୍ ଭଳି ହାଡ଼ଖଣ୍ଡ ମିଳିଛି ।