ଆଶ୍ରମ ସ୍କୁଲରେ ଛାତ୍ରୀଙ୍କ ସନ୍ଦେହଜନକ ମୃତ୍ୟୁକୁ ନେଇ ଉତ୍ତେଜନା

ଆନନ୍ଦପୁର: ଆଶ୍ରମ ସ୍କୁଲରେ ପଢୁଥିବା ଜଣେ ଛାତ୍ରୀଙ୍କ ସନ୍ଦେହଜନକ ମୃତ୍ଯୁ । ଝିଅର ମୃତ୍ୟୁକୁ ନେଇ ପରିବାର ଲୋକେ ଓ ଗ୍ରାମବାସୀ ଉଠାଇଲେ ପ୍ରଶ୍ନ । ଯାହାକୁ ନେଇ ଆଶ୍ରମ ସ୍କୁଲରେ ଉତ୍ତେଜନା ପ୍ରକାଶ ପାଇଛି । ଘଟଣା ଘଟିଛି ଆନନ୍ଦପୁର ଉପଖଣ୍ଡ ରାମଚନ୍ଦ୍ରପୁର ଥାନା ନୁଆମାଳିଆ ଆଶ୍ରମ ସ୍କୁଲରେ । ସ୍କୁଲରେ ଅଷ୍ଟମ ଶ୍ରେଣୀ ପଢୁଥିବା ଛାତ୍ରୀ ମାଇନ ହୋଙ୍କ ମୃତ୍ଯୁ ଘଟିଛି । ମୃତ ମାଇନଙ୍କ ଘର ମୟୂରଭଞ୍ଜ ଜିଲ୍ଲା ଠାକୁରମୁଣ୍ଡା ଥାନା ସାରବିଲ ଗାଁରେ । ସେ ମାମୁଁ ଘରେ ରହି ପାଠ ପଢୁଥିଲେ ।

ସୂଚନା ଅନୁସାରେ, ଗତ ୧୦ ତାରିଖରେ ସ୍କୁଲରେ ଅସୁସ୍ଥ ହୋଇପଡ଼ିଥିଲେ ମାଇନ । ତାଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଥିଲା । ପରେ ସେଠାରେ ତାଙ୍କର ମୃତ୍ଯୁ ଘଟିଥିଲା । ଝିଅର ମୃତ୍ଯୁ ପାଇଁ ପରିବାର ଲୋକ ଓ ଗ୍ରାମବାସୀ ସ୍କୁଲ କର୍ତ୍ତୃପକ୍ଷଙ୍କୁ ଦାୟୀ କରିଛନ୍ତି । ଝିଅର ଦେହ ଖରାପ ହେବା ପରେ ପରିବାର ଲୋକଙ୍କୁ ନଜଣାଇ କିପରି ଦାନଗଦି ଓ ପରେ କଟକ ମେଡିକାଲକୁ ନିଆଗଲା ବୋଲି ପ୍ରଶ୍ନ ଉଠାଇଛନ୍ତି ପରିବାର ଲୋକେ । ଅଭିଯୋଗକୁ ସ୍କୁଲ କର୍ତ୍ତୃପକ୍ଷ ଖଣ୍ଡନ କରିଥିବାବେଳେ ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ କରୁଛି ।