ଠିକା କର୍ମଚାରୀଙ୍କୁ ପୁଣି ଗାଳିଗୁଲଜ ଓ ଧମକ ଅଭିଯୋଗ: କଠୋର ପଦକ୍ଷେପ ଦାବି କଲେ ପ୍ରଦୀପ

1 min read

ଖୋର୍ଦ୍ଧା: କର୍ମଚାରୀ ବନ୍ଧା ହେଲେ, ତଥାପି କମିଲାନି ତୋଡ଼ । ଖୋର୍ଦ୍ଧା ସାରୁଅରେ ଠିକା କର୍ମଚାରୀଙ୍କୁ ପୁଣି ଗାଳିଗୁଲଜ, ଧମକଚମକ ଅଭିଯୋଗ । ପ୍ରତିବାଦରେ ଓଟିଭି ଷ୍ଟୁଡିଓ ଆଗରେ ଧାରଣାରେ ବସିଲେ ଠିକା କର୍ମଚାରୀ । କର୍ମଚାରୀଙ୍କ ସହ ଆଲୋଚନା କରିଛନ୍ତି ଖୋର୍ଦ୍ଧା ଉପଜିଲ୍ଲାପାଳ ଓ ସହ ଶ୍ରମ ଅଧିକାରୀ ।  ଥମୁନି ସାରୁଅ ଅଶାନ୍ତି । ଠିକା କର୍ମଚାରୀଙ୍କୁ ପୁଣି ଗାଳିଗୁଲଜ ଓ ଧମକ  ଅଭିଯୋଗ । ଓଟିଭି ଷ୍ଟୁଡିଓ ଆଗରେ ଧାରଣା । କର୍ମଚାରୀଙ୍କୁ କାର୍ଯ୍ୟରୁ ବାରଣ କରିବା ନେଇ ଅଶାନ୍ତି ।

ଠିକା କର୍ମଚାରୀଙ୍କୁ ଗାଳି ଗୁଲଜ ଓ ହତ୍ୟା ଧମକ ନେଇ ବୈଜୟନ୍ତ ପଣ୍ଡା ଓ ଜଗି ପଣ୍ଡାଙ୍କ ଓଡ଼ିଶା ଇନ୍‌ଫ୍ରାଟେକ୍‌ ଗ୍ରୁପ୍‌ର ଦୁଇଜଣ କର୍ମଚାରୀ ଗିରଫ ହୋଇ ଜେଲ୍‌ ଯାଇଛନ୍ତି । ହେଲେ ଆଜିବି ଗୁଣ୍ଡାଗର୍ଦ୍ଦିର ପୁନରାବୃତ୍ତି ହୋଇଛି। ଓଟିଭି ଏମ୍‌ଡି ଜଗି ମଙ୍ଗତ ପଣ୍ଡାଙ୍କ ବାପା ଏବଂ ଭାଇ ଅଶ୍ରାବ୍ୟ ଭାଷାରେ ଗାଳି ସହ ଧମକ ଦେଇଥିବା ଅଭିଯୋଗ ହୋଇଛି । ପ୍ରତିବାଦରେ ଷ୍ଟୁଡିଓ ଆଗରେ ଧାରଣାରେ ବସିଲେ ଠିକା କର୍ମଚାରୀ ।

ସାରୁଆ ଜମି କେଳେଙ୍କେରୀ : ଓଟିଭି ସିଏଫଓ ମନୋରଞ୍ଜନ ଷଡ଼ଙ୍ଗୀ ଗିରଫ, କୋର୍ଟରେ ହେଲେ ହାଜର

ଠିକା କର୍ମଚାରୀଙ୍କୁ ଗାଳିଗୁଲଜ ଓ ଧମକ ନେଇ ସାରୁଅ ଅଞ୍ଚଳରେ ଚାପା ଉତ୍ତେଜନା ଦେଖାଦେଇଛି । ଏନେଇ ଧାରଣାରେ ବସିଥିବା କର୍ମଚାରୀଙ୍କ ସହ ଆଲୋଚନା କରିଛନ୍ତି ଖୋର୍ଦ୍ଧା ଉପଜିଲ୍ଲାପାଳ ଓ ଜିଲ୍ଲା ସହ- ଶ୍ରମ ଅଧିକାରୀ । ଠିକା କର୍ମଚାରୀଙ୍କୁ ଗାଳି ଗୁଲଜ ଓ ହତ୍ୟା ଧମକ ଦେଇ ଓଡ଼ିଶା ଇନ୍‌ଫ୍ରାଟେକ୍‌ ଗ୍ରୁପ୍‌ର ଦୁଇ କର୍ମଚାରୀ ଇଞ୍ଜିନିୟର ଦୀନବନ୍ଧୁ ସାମନ୍ତରାୟ ଓ ସୁପର ଭାଇଜର ବିଶ୍ୱଜିତ ରାଉତରାୟଙ୍କ ନାଁରେ ବାଘମାରୀ ଥାନାରେ ଏତଲା ଦିଆଯାଇଥିଲା । ଗତକାଲି ଉଭୟଙ୍କୁ ଗିରଫ କରି କୋର୍ଟ ଚାଲାଣ କରିଛି । ଆଜି ପୁଣି ଗାଳି ଧମକ ଯୋଗୁ ତୀବ୍ର ପ୍ରତିକ୍ରିୟା ପ୍ରକାଶ ପାଇଛି ।

Keep petrol, diesel ready to set everything on fire': Odisha Congress  leader's shocker | India News – India TV

ଅପରପକ୍ଷରେ ଘଟଣାକୁ ନେଇ ପ୍ରତିକ୍ରିୟା ରଖିିଛନ୍ତି ଓଡ଼ିଶା ପିସିସି କାର୍ଯ୍ୟକାରୀ ସଭାପତି ପ୍ରଦୀପ ମାଝି । ସେ କହିଛନ୍ତି ଦଳିତ ଓ ଆଦିବାସୀ ଭାଇମାନଙ୍କ ପ୍ରତି ସମ୍ୱେଦନଶୀଳ ହେବା ଆବଶ୍ୟକ । ସେମାନଙ୍କ ଜମି ଫେରାଇଦିଆଯାଉ । ଏବଂ ଯେଉଁମାନଙ୍କୁ ଚାକିରିରୁ ବାହାର କରିଦିଆଯାଇଛି ସେମାନଙ୍କୁ ପୁନଃ ନିଯୁକ୍ତି ଦେବାକୁ ଦାବି କରିଛନ୍ତି ପ୍ରଦୀପ । ଆନ୍ଦୋନକାରୀଙ୍କୁ ଉଚିତ ନ୍ୟାୟ ପ୍ରଦାନ କରିବା ସହ ଶୋଷଣକାରୀଙ୍କ ବିରୋଧରେ ସେ ଦୃଢ଼ କାର୍ଯ୍ୟାନୁଷ୍ଠାନ ଦାବି କରିଛନ୍ତି ।

Opn Commnet Area

Leave a Reply

Your email address will not be published. Required fields are marked *

ନଜର ପକାନ୍ତୁ

Close Bitnami banner