ବାଲେଶ୍ୱରରେ କଣ୍ଟେନମେଣ୍ଟ ଜୋନ ଘୋଷଣା…
ବାଲେଶ୍ୱର: ଦିନକୁ ଦିନ କରୋନା ଆକ୍ରାନ୍ତଙ୍କ ସଂଖ୍ୟା ଓଡିଶାରେ ବଢିବାରେ ଲାଗିଛି । ଆଜି ସକାଳେ ପୁଣି ରାଜ୍ୟରେ ୭ ଜଣ କରୋନା ସଂକ୍ରମିତ ଚିହ୍ନଟ ହୋଇଛନ୍ତି । ତେବେ କରୋନା ବିସ୍ତାରକୁ ରୋକିବା ପାଇଁ ଚାରିଆଡେ ବିଭିନ୍ନ ପ୍ରକାରର ପଦକ୍ଷେପ ଗ୍ରହଣ କରାୟାଉଛି । ନିକଟରେ ବାଲେଶ୍ୱର ବାହାନଗା ବ୍ଲକ ବିଷ୍ଣୁପୁର ଅଞ୍ଚଳରେ କୋରନା ପଜଟିଭ ଚିହ୍ନଟ ହେବା ପରେ ଜିଲ୍ଲା ପ୍ରଶାସନ ପଦକ୍ଷେପ ନେଇଛି । ବାହାନଗାର ବିଷ୍ଣୁପୁର ଓ ଦେବେନ୍ଦ୍ରପୁର ଗଁ।କୁ କଣ୍ଟେନମେଣ୍ଟ ଜୋନ ଭାବେ ଘୋଷଣା କରାଯାଇଛି । ଏହି ଦୁଇ ଗାଁକୁ ସଂଯୋଗ କରୁଥିବା ୧୨ ଟି ରାସ୍ତାକୁ ପ୍ରଶାସନ ପକ୍ଷରୁ ସିଲ କରି ଦିଆଯାଇଛି ।
ଡଙ୍ଗାରେ ଚେନ୍ନାଇରୁ ଫେରିଲେ ପ୍ରବାସୀ ଓଡ଼ିଆ, କ୍ୱାରେଣ୍ଟାଇନ୍ରେ ରଖିବାକୁ ପ୍ରଶାସନ ପ୍ରସ୍ତୁତ
ଜିଲ୍ଲାପାଳ କେ ସୁଦର୍ଶନ ଚକ୍ରବର୍ତ୍ତୀ, ଉପଜିଲ୍ଲାପାଳ ନିଲୁ ମହାପାତ୍ର, ସ୍ଥାନୀୟ ତହସିଲଦାର ଓ ବିଡିଓ, ସ୍ଥିତି ସମୀକ୍ଷା କରିଛନ୍ତି । ଗତ ୨୦ ତାରିଖରେ କଲିକତାରୁ ସାଇକେଲ ଯୋଗେ ବିଷ୍ଣୁପୁର ଆସିଥିବା ଯୁବକଙ୍କୁ ଆଇସୋଲେସନ ସେଣ୍ଟରରେ ରଖାଯାଇଥିଲା । ଯୁବକଙ୍କ ଠାରେ କରୋନା ଲକ୍ଷଣ ଜଣାପଡିବା ପରେ ୨୫ ତାରିଖ ଦିନ ଟେଷ୍ଟ ଲାଗି ଆର୍ଏମ୍ଆରସି ପଠାଯାଇଥିଲା । ଗତକାଲି ତାଙ୍କର ରିପୋର୍ଟ ପଜେଟିଭ ଆସିବାରୁ ତାଙ୍କୁ ତାଙ୍କୁ ଅଶ୍ୱିନୀ କୋଭିଡ ପଠାଇଯାଇଛି । ଏଥି ସହ ଆକ୍ରାନ୍ତ । ଯୁବକଙ୍କ ସହିତ ଆଇସୋଲେସନ ସେଣ୍ଟରରେ ଥିବା ଅନ୍ୟ ଜଣଙ୍କୁ ବାଲେଶ୍ୱର କୋଭିଡ ହସ୍ପିଟାଲକୁ ସ୍ଥାନାନ୍ତର କରାଯାଇଛି ।
