ବୋଲେରୋକୁ ପଛପଟୁ ଧକ୍କା ଦେଲା କଣ୍ଟେନର୍, ରାସ୍ତା ମଝିରେ ହୁହୁ ହୋଇ ଜଳିଗଲା

ଭଦ୍ରକ: ଭଦ୍ରକ ୧୬ ନମ୍ବର ଜାତୀୟ ରାଜପଥରେ ଜଳିଗଲା ଚଳନ୍ତା କଣ୍ଟେନର । ରୋଗୀ ନେଇ ଫେରୁଥିବା ବୋଲେରୋକୁ ପଛପଟୁ ଧକ୍କା ଦେଲା ପରେ ହୁତୁ ହୁତୁ ହୋଇ ଜଳିଗଲା କଣ୍ଟେନର୍ । ଦୁର୍ଘଟଣାରେ ୫ଜଣ ଆହତ ହୋଇଥିବାବେଳେ ପାର୍ସଲ ବୋଝେଇ କଣ୍ଟେନର ସମ୍ପୂର୍ଣ୍ଣ ଜଳିଯାଇଛି ।

ସୂଚନା ଅନୁସାରେ କଣ୍ଟେନରଟି ମୁମ୍ବାଇରୁ କୋଲାକାତା ଯାଉଥିବାବେଳେ ଭଦ୍ରକ ଡାହାଣୀଗଡ଼ିଆ ଛକ ନିକଟରେ କଟକରୁ ରୋଗୀନେଇ ଫେରୁଥିବା ବୋଲେରୋକୁ ଧକ୍କା ଦେଇଥିଲା । ଘଟଣାସ୍ଥଳରେ କଣ୍ଟେନରଟିରେ ନିଆଁ ଲାଗିଯାଇଥିଲା । କଣ୍ଟେନରରୁ ସୁରକ୍ଷିତ ପାର୍ସଲ କାଢିବା ସହ ଅଗ୍ନିଶମ ବାହିନୀ  ନିଆଁକୁ ଆୟତ୍ତ କରିଛି । ସେପଟେ ଆହାତ ମାନଙ୍କୁ ନିକଟସ୍ଥ ଡାକ୍ତରଖାନାରେ ଚିକିତ୍ସା ପାଇଁ ଭର୍ତ୍ତି କରାଯାଇଛି ।