ଅଧା ରହିଗଲା ଦୁଇ କନଷ୍ଟେବଳଙ୍କ ପ୍ରେମ କାହାଣୀ

ଭଦ୍ରକ: ରିଜର୍ଭ ପୋଲିସରେ ପ୍ରେମ ଆଉ ପ୍ରତାରଣା । ପୋଲିସ ଷ୍ଟେସନର ଚାରି କାନ୍ଥ ମଧ୍ୟରେ ଆରମ୍ଭ ହୋଇ ଭାଙ୍ଗିଗଲା ପ୍ରେମ ସମ୍ପର୍କ । ପରେ ବିବାହ କରିବାକୁ ପ୍ରତ୍ୟାଖାନ କରିଥିଲା ପ୍ରେମିକ କନଷ୍ଟେବଳ । ଏହାପରେ ମହିଳା କନଷ୍ଟେବଳ ଜଣକ ପୁରୁଷ କନେଷ୍ଟବଳଙ୍କ ନାଁରେ ଭଦ୍ରକ ଟାଉନ ଥାନାରେ ଏତଲା ଦେଇଛନ୍ତି । ଏଭଳି ଏକ ଘଟଣା ଦେଖିବାକୁ ମିଳିଛି ଭଦ୍ରକ ଜିଲ୍ଲା ରିଜର୍ଭ ପୋଲିସ ବାଟାଲିୟନରେ ।

ସୂଚନା ଅନୁଯାୟୀ, ୬ ବର୍ଷ ତଳେ ମହିଳା କନେଷ୍ଟବଳ ଓ ପୁରୁଷ କନେଷ୍ଟବଳ ଜଗତପତି ହାଁସଦାଙ୍କ ମଧ୍ୟରେ ପ୍ରେମ ସମ୍ପର୍କ ଆରମ୍ଭ ହୋଇଥିଲା । ଦୁଇଜଣ ରିଜର୍ଭ ପୋଲିସରେ କନଷ୍ଟେବଳ ପୋଷ୍ଟରେ କାମ କରନ୍ତି । ୨୦୦୯ ରେ ଦୁଇଜଣ ନିଜର ଚାକରୀ ଜୀବନ ଆରମ୍ଭ କରିଥିଲେ । ଚାକିରୀ କରିବା ଭିତରେ ଦୁଇ ଜଣଙ୍କ ମଧ୍ୟରେ ପ୍ରେମ ସମ୍ପର୍କ ଗଢି ଉଠିଥିଲା । ଏହା ପରେ ଏହି ପ୍ରେମ ଶାରୀରିକ ସମ୍ପର୍କରେ ପରିଣତ ହୋଇଥିଲା ।

ପରେ ମହିଳା କନଷ୍ଟେବଳ ବିବାହ କରିବାକୁ ବାରମ୍ବାର କହିଥିଲେ ବି ଜଗତ ଏହାକୁ ଏଡ଼ାଇଦେଉଥିଲେ  । ଏହା ପରେ ମହିଳା କନଷ୍ଟେବଳ ଜଣକ ଭଦ୍ରକ ଟାଉନ ଥାନାରେ ଅଭିଯୋଗ କରିଥିଲେ । ମହିଳା କନଷ୍ଟବଳଙ୍କର ଅଭିଯୋଗକୁ ଆଧାର କରି ଭଦ୍ରକ ପୋଲିସ ମହିଳା କନଷ୍ଟେବଳ ଜଗତକୁ ଅଟକ ରଖିଛି ।

ଅଭିଯୁକ୍ତ ଗଜପତି ହାଁସଦା ପରବର୍ତ୍ତୀ ସମୟରେ ମହିଳାଙ୍କୁ ବିବାହ କରିବା ପାଇଁ ରାଜି ହୋଇଥିଲେ । କିନ୍ତୁ ଏ ନେଇ ମହିଳାଙ୍କ ପ୍ରତିକ୍ରିୟା ମିଳିପାରିନାହିଁ ।