ଅଭିଯୁକ୍ତଙ୍କ ସ୍ତ୍ରୀକୁ ରସିକିଆ କନେଷ୍ଟବଳଙ୍କ ପ୍ରେମ ନିବେଦନ

ଭଣ୍ଡାରୀପୋଖରୀ: ପୋଲିସ ବାବୁଙ୍କର ପ୍ରେମ ନିବେଦନ। ଅଭିଯୁକ୍ତଙ୍କ ସ୍ତ୍ରୀକୁ ପ୍ରେମ ନିବେଦନ ସହ ଅସଦାଚରଣ କରି ଭଣ୍ଡାରୀପୋଖରୀ ଥାନାର ହାବିଲଦାର ଅଟକ। ପୀଡ଼ିତାଙ୍କ ଅଭିଯୋଗ ପରେ ସଂପୃକ୍ତ କନେଷ୍ଟବଳଙ୍କ ନାଁରେ ମାମଲା ରୁଜୁ କରିବା ସହ ପଚରାଉଚରା କରୁଛି ପୋଲିସ। ଅଭିଯୋଗ ଅନୁଯାୟୀ, ଜମିବାଡ଼ି ବିବାଦ ନେଇ ଜଣେ ବ୍ୟକ୍ତିଙ୍କୁ ଗିରଫ କରିଥିଲା ପୋଲିସ । କୋର୍ଟଚାଲାଣ ବେଳେ ଅଭିଯୁକ୍ତ ଜଣକ କନେଷ୍ଟବଳ ହରମୋହନ ନାୟକଙ୍କ ମୋବାଇଲରୁ ସ୍ତ୍ରୀଙ୍କ ପାଖକୁ ଫୋନ କରିଥିଲେ। ପରେ ହରମୋହନ ଅଭିଯୁକ୍ତଙ୍କ ସ୍ତ୍ରୀଙ୍କ ପାଖକୁ ବାରମ୍ବାର କଲ କରିବା ସହ ବିଭିନ୍ନ ଲୋଭ ଦେଖାଇ ଅସଦାଚରଣ କରିବାକୁ ଉଦ୍ୟମ କରିଥିଲେ। ଏନେଇ  ମହିଳା ଥାନାରେ ଅଭିଯୋଗ ପରେ ଭଣ୍ଡାରୀପୋଖରୀ ପୋଲିସ ସଂପୃକ୍ତ ହାବିଲଦାରକୁ ଅଟକ ରଖି ପଚରାଉଚରା କରୁଛି।