ନୂଆଦିଲ୍ଲୀ: ଏଆଇସିସି ସଭାପତି ମଲ୍ଲିକାର୍ଜୁନ ଖଡଗେଙ୍କ ବଡ଼ ଘୋଷଣା। ଆସନ୍ତା ୨୦୨୪ ନିର୍ବାଚନରେ ଗାଦିଚ୍ୟୁତ ହେବ ବିଜେପି। ଦେଶର ବିଭିନ୍ନ ବିରୋଧୀ ଦଳ ପକ୍ଷରୁ ଏନେଇ ଆଲୋଚନା ଜାରି ରହିଛି। ଏକ ଗଣତାନ୍ତ୍ରିକ ରାଷ୍ଟ୍ରରେ ସ୍ବେଚ୍ଛାଚାରିତାର କୌଣସି ସ୍ଥାନ ନାହିଁ। ଏକ ଗଣତାନ୍ତ୍ରିକ ରାଷ୍ଟ୍ରରେ କେହି ଏକଛତ୍ରବାଦୀ ଶାସକ ହୋଇପାରିବେ ନାହିଁ ପରୋକ୍ଷରେ ମଲ୍କିକାର୍ଜୁନ କରିଛନ୍ତି ଟାର୍ଗେଟ।
ନାଗାଲାଣ୍ଡରେ ଆୟୋଜିତ ଏକ ସମାବେଶରେ ଖଡଗେ କହିଛନ୍ତି- ୨୦୨୪ରେ କଂଗ୍ରେସ ନେତୃତ୍ବରେ କେନ୍ଦ୍ରରେ ସରକାର ଗଠନ ହେବ। ଏନେଇ ଅନ୍ୟାନ୍ୟ ଦଳ ସହ ଆଲୋଚନା କରାଯାଇଛି। ଏହା ନହେଲେ ଦେଶରେ ଗଣତନ୍ତ୍ର ଓ ସମ୍ବିଧାନ ବୋଲି କିଛି ରହିବ ନାହିଁ। ବିଜେପି କଦାପି ସଂଖ୍ୟା ଗରିଷ୍ଠତା ଲାଭ କରିବ ନାହିଁ। ବିଜେପି ବିରୋଧରେ ବହୁ ଦଳ କଂଗ୍ରେସ ସହ ଏକାଠି ହେଲେଣି ବୋଲି କହିଛନ୍ତି ଖଡଗେ।
