ନନ୍ଦିଘୋଷ ବ୍ୟୁରୋ : ବିହାରରେ ଆଜିଠାରୁ ଆରମ୍ଭ ହେଲା ଭୋଟ ଅଧିକାର ଯାତ୍ରା। ରୋହତାସ ଜିଲ୍ଲାରୁ ଆଜିଠାରୁ ଆରମ୍ଭ ହୋଇଛି କଂଗ୍ରେସର ଭୋଟ ଅଧିକାର ଯାତ୍ରା। ରାଜ୍ୟରେ ଭୋଟ ଚୋରି ହେଉଥିବା ଅଭିଯୋଗ କରି କଂଗ୍ରେସ ଆରମ୍ଭ କରିଛି ଏହି ଯାତ୍ରା। ରାଜ୍ୟରେ ଚାଲିଥିବା ସ୍ବତନ୍ତ୍ର ଭୋଟର ତାଲିକା ସଂଶୋଧନକୁ ବିରୋଧ କରି ରାଜରାସ୍ତାକୁ ଓହ୍ଲାଇଛି କଂଗ୍ରେସ। ଏହି ଅଭିଯାନରେ ସାମିଲ ହୋଇଛନ୍ତି ବିରୋଧୀ ଦଳ ନେତା ରାହୁଲ ଗାନ୍ଧି। ୧୬ ଦିନ ଧରି ଚାଲିବ ଏହି ଯାତ୍ରା। ବିହାରର ୨୩ ଜିଲ୍ଲା ଦେଇ ଏହି ଯାତ୍ରା ଯିବ। ୫୦ ବିଧାନସଭା ନିର୍ବାଚନଣ୍ଡଳୀ ଏବଂ ଏକାଧିକ ଲୋକସଭା ନିର୍ବାଚମଣ୍ଡଳୀ ଦେଇ ଏହି ଯାତ୍ରା ଯିବ। ଭୋଟ ଚୋରି ଅଭିଯାନକୁ ଏକ ଜନ ଆନ୍ଦୋଳନରେ ପରିଣତ କରିବା ଲାଗି କଂଗ୍ରେସ ଲକ୍ଷ୍ୟ ରଖିଛି । ପୂର୍ବର ଭାରତ ଯୋଡ଼ ଯାତ୍ରା ଯେଉଁ ରୁଟରେ ଯାଇଥିଲା ସେହି ରୁଟରେ ଭୋଟ ଚୋରି ବିରୋଧରେ ଭୋଟ ଅଧିକାର ଯାତ୍ରା। ଆସନ୍ତା ସେପ୍ଟେମ୍ବର ୧୧ରେ ଏହି ଅଧିକାର ଯାତ୍ରା ଶେଷ ହେବା ପରେ ଗାନ୍ଧି ମଇଦାନରେ ସେହିଦିନ କରାଯିବ ମେଗା ରାଲି। ଗତ ଅଗଷ୍ଟ ୧୪ରେ ରାଜ୍ୟର ବିଭିନ୍ନ ସ୍ଥାନରେ ପାଳିତ ହୋଇଥିଲା ଲୋକତନ୍ତ୍ର ବଚାଓ ମଶାଲ ରାଲି।
