କେନ୍ଦ୍ର ସରକାରଙ୍କ ବିଫଳତାକୁ ନେଇ କଂଗ୍ରେସର ଆନ୍ଦୋଳନ, ରାଜଭବନ ଆଗରେ ଦଳ କରିବ ପ୍ରତିବାଦ ସଭା
ଭୁବନେଶ୍ୱର: ଦରଦାମ ବୃଦ୍ଧି, ବେକାରୀ ସମସ୍ୟା, ଅତ୍ୟାବଶ୍ୟକ ସାମଗ୍ରୀ ଉପରେ ଜିଏସଟି ଲାଗୁ । କେନ୍ଦ୍ର ସରକାରଙ୍କର ବିଫଳତାକୁ ନେଇ ଆଜି ରାଜଭବନ ଘେରାଉ କରିବ କଂଗ୍ରେସ । ରାଜଭବନ ଆଗରେ ପିସିସି ସଭାପତିଙ୍କ ନେତୃତ୍ୱରେ କେନ୍ଦ୍ର ବିରୋଧରେ ଦଳ ପ୍ରତିବାଦ ସଭା କରିବା ସହ ରାଜ୍ୟପାଳଙ୍କୁ ଦାବିପତ୍ର ଦେବ । ସେହିପରି ଜିଲ୍ଲାସ୍ତରରେ କଂଗ୍ରେସ ପକ୍ଷରୁ ଜୋରଦାର ଆନ୍ଦୋଳନ କରାଯିବ ।
ଅତ୍ୟାବଶ୍ୟକ ସାମଗ୍ରୀ ଉପରେ ଜିଏସଟି ଲାଗୁ କରି କେନ୍ଦ୍ର ସରକାର ଗରିବଙ୍କ ପକେଟରୁ ଟଙ୍କା ଲୁଟୁଛି । ସବୁଥିରେ ଟିକସ ଲାଗୁ କରିବାକୁ କେନ୍ଦ୍ରକୁ ଇଷ୍ଟ ଇଣ୍ଡିଆ କମ୍ପାନୀ ସହ ତୁଳନା କରିଛି କଂଗ୍ରେସ । ଏହାର ପ୍ରତିବାଦରେ ଆଜି କଂଗ୍ରେସ ରାଜ୍ୟବ୍ୟାପୀ ଆନ୍ଦୋଳନ କରିବ ।
