ହରିୟାଣା ବିଧାନସଭା ନିର୍ବାଚନ; କଂଗ୍ରେସର ନିର୍ବାଚନ ଇସ୍ତାହାର ଘୋଷଣା

ନନ୍ଦିଘୋଷ ବ୍ୟୁରୋ: ହରିୟାଣା ବିଧାନସଭା ନିର୍ବାଚନ ଲାଗି ପ୍ରଚାର ଚାଲିଛି । ସେପଟେ ଆଜି କଂଗ୍ରେସ ଘୋଷଣା କରିଛି ନିର୍ବାଚନ ଇସ୍ତାହାର। ମହିଳା, ଚାଷୀ, ଶ୍ରମିକ, କୃଷକ ପ୍ରମୁଖଙ୍କ ଲାଗି ଅନେକ ଘୋଷଣା କରିଛି କଂଗ୍ରେସ। ପ୍ରତି ବ୍ଯକ୍ତିଙ୍କୁ ୨୫ ଲକ୍ଷ ଟଙ୍କା ଯାଏ ମାଗଣା ଚିକିତ୍ସା ସୁବିଧା, ପ୍ରତି ମହିଳାଙ୍କୁ ମାସିକ ୨ ହଜାର ଲେଖାଏ ଟଙ୍କା ସହାୟତା, ଗୁଣବତ୍ତା ଶିକ୍ଷା, ଯୁବକଙ୍କ ଲାଗି ରୋଜଗାର ପ୍ରତିଶ୍ରୁତି ଦିଆଯାଇଛି। ସେହିପରି ବାସହୀନଙ୍କୁ ୧୦୦ ବର୍ଗର ଜାଗା, କିଷାନ ଆୟୋଗ ଗଠନ, ସଂଖ୍ଯାଲଘୁ ଆୟୋଗ ଗଠନ ଲାଗି ଇସ୍ତାହାରରେ ଘୋଷଣା କରାଯାଇଛି। ପୂର୍ବତନ ମୁଖ୍ଯମନ୍ତ୍ରୀ ଭୂପେନ୍ଦ୍ର ସିଂ ହୁଡ୍ଡା ଓ ଅନ୍ଯ ବହୁ କଂଗ୍ରେସ ନେତା ଏହି ଇସ୍ତାହାରକୁ ଉନ୍ମୋଚନ କରିଛନ୍ତି।

ଏହି କାର୍ଯ୍ଯକ୍ରମରେ ଯୋଗଦେଇଥିଲେ ରାଜସ୍ଥାନର ପୂର୍ବତନ ମୁଖ୍ଯମନ୍ତ୍ରୀ ଅଶୋକ ଗେହଲଟ। ରାଜ୍ଯରେ ୫୦୦ ଟଙ୍କାରେ ଏଲପିଜି ସିଲିଣ୍ଡର, ବୃଦ୍ଧା ଓ ଭିନ୍ନକ୍ଷମଙ୍କୁ ପେନସନ, କୃଷକଙ୍କୁ ସର୍ବନିମ୍ନ ସହାୟତା ମୂଲ୍ଯ ପ୍ରଦାନ ଲାଗି ଇସ୍ତାହାରରେ ଘୋଷଣା କରାଯାଇଛି। ୯୦ ଆସନ ବିଶିଷ୍ଟ ବିଧାନସଭା ଲାଗି ଆସନ୍ତା ଅକ୍ଟୋବର ୫ରେ ହେବ ନିର୍ବାଚନ। ୮ରେ ହେବ ଗଣତି।